فوتو: اشىق دەرەككوز
«بولاشاق» باعدارلاماسى بويىنشا ستيپەنديا تاعايىنداۋعا ارنالعان كونكۋرستىق ىرىكتەۋگە قاتىسۋ ءۇشىن قۇجات قابىلداۋ 3 ناۋرىزدا باستالىپ 17 قازاندا اياقتالادى.
كونكۋرستىق ىرىكتەۋ 2025 جىلعى 1 ساۋىر مەن 31 جەلتوقسان ارالىعىندا وتەدى. «بولاشاق» ستيپەندياسىنا قۇجات egov.kz پورتالى ارقىلى قابىلدانادى. شەتەلدە كادرلار دايارلاۋ كەزىندە ينجەنەرلىك-تەحنيكالىق جانە مەديتسينالىق ماماندىقتارعا باسىمدىق بەرىلەدى.
2025 جىلى «بولاشاق» باعدارلاماسى بويىنشا وقۋ ءۇشىن 645 ستيپەنديا بولىنگەن. ونىڭ ىشىندە ماگيستراتۋرا باعدارلاماسى بويىنشا – 411 ستيپەنديا, دوكتورانتۋرا/رەزيدەنتۋرا بويىنشا – 41 ستيپەنديا, تاعىلىمدامالار بويىنشا – 193 ستيپەنديا.
ال «عىلىمي تاعىلىمدامالار» باعدارلاماسى بويىنشا ستيپەنديا تاعايىنداۋعا ارنالعان كونكۋرستىق ىرىكتەۋگە قاتىسۋ ءۇشىن قۇجات قابىلداۋ 3 ناۋرىزدا باستالىپ 31 قازاندا اياقتالادى.
كونكۋرستىق ىرىكتەۋ 2025 جىلعى 1 ساۋىر مەن 31 جەلتوقسان ارالىعىندا وتەدى. «عىلىمي تاعىلىمدامالار» باعدارلاماسى بويىنشا ءوتىنىم قابىلداۋ استانا قالاسى, سىعاناق كوشەسى, 70 مەكەنجايىندا ورنالاسقان «حالىقارالىق باعدارلامالار ورتالىعى» اق كەڭسەسىنىڭ 5-قاباتىندا 508-كابينەتتە جۇرگىزىلەدى. شەتەلدە كادرلار دايارلاۋ كەزىندە ينجەنەرلىك-تەحنيكالىق جانە مەديتسينالىق ماماندىقتارعا باسىمدىق بەرىلەدى. باسقا قالادان كەلگەن ۇمىتكەرلەرگە قۇجاتتى سەنىمحات ارقىلى تاپسىرۋ مۇمكىندىگى بەرىلەدى.
«عىلىمي تاعىلىمدامالار» باعدارلاماسى مەملەكەت باسشىسىنىڭ تاپسىرماسىنا سايكەس, الەمنىڭ جەتەكشى عىلىمي ورتالىقتارىندا قازاقستاندىق عالىمداردىڭ بىلىكتىلىگىن ارتتىرۋ ماقساتىندا بەكىتىلگەن. عىلىمي تاعىلىمدامالار باعدارلاماسى بويىنشا 2025 جىلعا 250 ستيپەنديا بولىنگەن.
