كونكۋرسقا قاتىسۋشىلار قىسقا ۋاقىتتا «قىزىلوردا وبلىسى ەسىرتكىگە قارسى!» جانە «ەسىرتكى قىلمىسىنا قارسى ءىس-قيمىل باسقارماسى» ەمبلەما-لوگوتيپىن جاساپ شىقتى. ۇسىنىلعان جۇمىستاردىڭ كوركەمدىك دەڭگەيى مەن ەرەكشە يدەيالاردى ەسكەرىلىپ, ادەتەگىدەي 3 ورىن ەمەس, ون جۇلدە بەلگىلەندى. وسىلايشا بايقاۋعا قاتىسۋشىلارعا ءۇش ءبىرىنشى, ءۇش ەكىنشى جانە ءتورت ءۇشىنشى ورىندار بەرىلدى.
ءبىرىنشى ورىندى شيەلى اۋدانىنىڭ №127 مەكتەپ-ليتسەيىنىڭ وقۋشىسى ماقسات رىسپانبەتوۆ, ارال اۋدانىنىڭ №14 ورتا مەكتەبىنىڭ وقۋشىسى ەركەبۇلان قوسانوۆ جانە شيەلى اۋدانىنىڭ №244 ورتا مەكتەبىنىڭ وقۋشىسى بەكسۇلتان تىلەۋبەرگەن يەلەندى. ەكىنشى ورىنعا اياۋلىم قورعانبەك (جالاعاش اۋدانىنىڭ №188 ورتا مەكتەبى), ەركەبۇلان ايابەك جانە اسەت قۋانىشتىڭ (سىرداريا اۋدانىنىڭ №№132,44 ورتا مەكتەپتەرى) جۇمىستارى لايىق دەپ تانىلدى. ءۇشىنشى ورىن جۇلدەسىن ايان قۇربان (شيەلى اۋدانىنىڭ №244 ورتا مەكتەبى), قۋانىش قاسىموۆ (ارال اۋدانىنىڭ №260 ورتا مەكتەبى), دانيار ورازباەۆ (قارماقشى اۋدانىنىڭ №269 ورتا مەكتەبى) جانە گاۋھار ابدۋلاحان (جاڭاقورعان اۋدانىنىڭ №110 مەكتەپ-ليتسەيى) الدى.
پوليتسەيلەردىڭ ايتۋىنشا ەڭ ۇزدىك جۇمىستار رەسمي لوگوتيپ رەتىندە قابىلدانادى.
