فوتو: اشىق دەرەككوز
باس پروكۋراتۋرانىڭ حابارلاۋىنشا, جامبىل وبلىسىنىڭ تۇرعىنى وتكەن جىلدىڭ قازان ايىندا Telegram الەۋمەتتىك جەلىسىندە «يسلام ءۇشىن» اتتى پاراقشا اشىپ, وندا زاڭسىز تەرروريستىك قۇرىلىم رەتىندە تانىلعان «مۇسىلمان باۋىرلار» جانە «وزبەكستان-يسلامدىق قوزعالىسى» حالىقارالىق تەرروريستىك ۇيىمدارىنىڭ بەينە جازبالارىن تاراتقان.
ءدال وسى سياقتى, تۇركىستان وبلىسىنىڭ تۇرعىنى جەلتوقسان ايىندا «WhatsApp» جانە «Facebook» الەۋمەتتىك جەلىلەرى ارقىلى بىرنەشە رەت «حيزب-ۋت-تاحرير» ءدىني ەكسترەميستىك ۇيىمىنىڭ بەينەجازبالارىن تاراتقان.
«مەملەكەتتىك ايىپتاۋشىلار سوت بارىسىندا سوتتالۋشىلاردىڭ كىناسىن تولىق دالەلدەپ, باس بوستاندىعىنان ايىرۋ جازاسىن تاعايىنداۋدى سۇراعان. تەرروريزمدى ناسيحاتتاعان كىنالى تۇلعالارعا 7 جىل مەرزىمگە باس بوستاندىعىنان ايىرۋ جازاسى تاعايىندالىپ, جازانى قىلمىستىق-اتقارۋ جۇيەسىنىڭ قاۋىپسىزدىگى بارىنشا جوعارى مەكەمەسىندە وتەۋ تاعايىندالدى», دەلىنگەن حابارلامادا.
ۇكىمدەر زاڭدى كۇشىنە ەنگەن.
