جارىستى ءبىرىنشى بولىپ, كۇندىزگى سەسسيادا بۇرىمدى بوكسشىلار باستايدى. الايدا, ەرلەر اراسىندا جەكپە-جەكتەر باستالماي تۇرىپ بەكزات نۇرداۋلەتوۆ اتالعان ءتۋرنيردىڭ چەمپيوندىق اتاعىنا قول جەتكىزدى. بۇل تۋرالى قر بوكس فەدەراتسياسىنىڭ ءباسپاسوز قىزمەتى حابارلادى.
— نۇربەك ورالباي فينالعا شىقپايتىن بولدى. ول 86 كەلىدە جولىن بەكزاد نۇرداۋلەتوۆكە بەردى. نۇربەككە قۇرمەت. بەكزات بۇل سالماقتا چەمپيون بولدى, - دەلىنگەن حابارلامادا.
سونىمەن قاتار 75 كەلى سالماقتىڭ فينالىندا جولدارى تۇيىسكەن وتانداستارىمىز تيمۋر نۇرسەيىتوۆ پەن سابىرجان اققالىقوۆ اراسىنداعى جەك-جەك تە وتپەيتىن بولدى. نۇرسەيىتوۆ جاراقاتىنا بايلانىستى شارشى الاڭعا شىعۋدان باس تارتتى. وسىلايشا 75 كەلىدە «ستراندجا» حالىقارالىق ءتۋرنيرىنىڭ چەمپيوندىق اتاعىنا اققالىقوۆ يە بولدى. ال نۇربەك ورالباي مەن تيمۋر نۇرسەيىتوۆ كۇمىس جۇلدەگە قول جەتكىزدى.
ايتا كەتەيىك, وتانداستارىمىز 1994 جىلدان بەرى «ستراندجا» باسەكەسىنە قاتىسىپ كەلسە دە, ءتۋرنيردىڭ تاريحىندا ءبىرىنشى رەت بيىل فينالدا قازاق بوكسشىلارىنىڭ جولدارى ءبىر-بىرىمەن تۇيىسكەلى وتىر.
بۇعان 25 بوكسشىمىزدىڭ قاتىسۋى مەن جەرەبە بارىسىندا جەرلەستەرىمىزدىڭ قوس تاراپقا تۇسكەنى سەبەپ بولعان.
