بۇل ايدا ەكى بىردەي ايتۋلى مەرەكەلەر تويلانالدى: 8 ناۋرىز - حالىقارالىق ايەلدەر كۇنى جانە ناۋرىز مەيرامى.
"قر مەرەكەلەر تۋرالى" زاڭىنىڭ 3-بابىنا سايكەس, 8 ناۋرىز - حالىقارالىق ايەلدەر كۇنى جانە ناۋرىز مەيرامى - مەملەكەتتىك مەرەكەلەر. ال اتالعان زاڭنىڭ 5-بابىنا سايكەس, قازاقستان رەسپۋبليكاسىندا مەملەكەتتىك مەرەكە تويلاناتىن كۇندەر دەمالىس كۇندەرى بولىپ سانالادى.
حالىقارالىق ايەلدەر كۇنىندە بەس كۇندىك جۇمىس اپتاسىندا قازاقستاندىقتار ءۇش كۇن – 8, 9 جانە 10 ناۋرىزدا دەمالادى.
ال التى كۇندىك جۇمىس اپتاسىندا 8 جانە 9 ناۋرىز - دەمالىس كۇندەرى, ال 10 ناۋرىز جۇمىس كۇنى بولىپ سانالادى.
بيىل ناۋرىز مەيرامى 21-23 ناۋرىز ارالىعىندا تويلانادى, بىراق 22 ناۋرىز سەنبىگە, 23 ناۋرىز جەكسەنبىگە سايكەس كەلەتىندىكتەن, دەمالىس كۇندەرى دۇيسەنبى مەن سەيسەنبىگە قوسىلىپ, قازاقستاندىقتار ناۋرىز مەيرامىندا بىردەن بەس كۇن - 21, 22, 23, 24 جانە 25 ناۋرىز كۇندەرى دەمالادى.
التى كۇندىك جۇمىس اپتاسىمەن ىستەيتىندەر ءۇشىن سەيسەنبى, ياعني 25 ناۋرىز - جۇمىس كۇنى, ال 21, 22, 23 جانە 24 ناۋرىز - دەمالىس كۇندەرى بولادى.
دەگەنمەن ناۋرىزدا كاسىبي جانە باسقا دا مەرەكەلەر بار. جۇمىس كۇندەرى بولعانىنا قاراماستان, ول مەرەكەلەر دە اتالىپ وتەدى.
كاسىبي مەرەكەلەردىڭ تىزبەسى قر ەڭبەك جانە حالىقتى الەۋمەتتىك قورعاۋ ءمينيسترىنىڭ 2023 جىلعى 17 قاراشاداعى №480 بۇيرىعىنىڭ العاش رەسمي جاريالانعان كۇنىنەن باستاپ قولدانىسقا ەنگىزىلدى.
1 ناۋرىز – العىس ايتۋ كۇنى
8 ناۋرىز (ناۋرىزدىڭ ەكىنشى سەنبىسى) – جەرگە ورنالاستىرۋ, گەودەزيا جانە كارتوگرافيا قىزمەتكەرلەرى كۇنى
بۇۇ كۇنتىزبەسى
1 ناۋرىز – «نولدىك كەمسىتۋشىلىك» كۇنى; دۇنيەجۇزىلىك تەڭىز بالدىرلارى كۇنى;
3 ناۋرىز – دۇنيەجۇزىلىك بالالار تەلەراديو حابارلارىن تاراتۋ كۇنى; دۇنيەجۇزىلىك جابايى تابيعات كۇنى;
4 ناۋرىز – دۇنيەجۇزىلىك سەمىزدىككە قارسى كۇرەس كۇنى;
8 ناۋرىز – حالىقارالىق ايەلدەر كۇنى;
10 ناۋرىز – حالىقارالىق ايەل سۋديالار كۇنى;
15 ناۋرىز – حالىقارالىق يسلاموفوبيامەن كۇرەس كۇنى;
20 ناۋرىز – حالىقارالىق باقىت كۇنى; بۇۇ جانىنداعى حالىقارالىق فرانتسۋز ءتىلى كۇنى جانە حالىقارالىق فرانكوفونيا كۇنى;
21 ناۋرىز – دۇنيەجۇزىلىك پوەزيا كۇنى; ناسىلدىك كەمسىتۋشىلىكتى جويۋدىڭ حالىقارالىق كۇنى; حالىقارالىق ورمان كۇنى; حالىقارالىق داۋن سيندرومى بار ادامدار كۇنى; ناۋرىز مەيرامى;
22 ناۋرىز – دۇنيەجۇزىلىك سۋ رەسۋرستارى كۇنى;
23 ناۋرىز – دۇنيەجۇزىلىك مەتەورولوگتار كۇنى;
24 ناۋرىز – دۇنيەجۇزىلىك تۋبەركۋلەزگە قارسى كۇرەس كۇنى; حالىقارالىق ادام قۇقىقتارىنىڭ ورەسكەل بۇزىلۋى جانە قۇربانداردىڭ ابىرويىنا قاتىستى اقيقات ورناتۋ قۇقىعى كۇنى;
25 ناۋرىز – حالىقارالىق قۇلدىق جانە ترانساتلانتيكالىق قۇل ساۋداسى قۇرباندارىن ەسكە الۋ كۇنى; حالىقارالىق قاماۋعا الىنعان جانە حابارسىز كەتكەن قىزمەتكەرلەرمەن ىنتىماقتاستىق كۇنى.
