قىزمەتتى باستاۋ تۋرالى كەلىسىمگە قول قويۋدىڭ ونلاين-ءراسىمى 1 ناۋرىزدا Energo University-ءدىڭ الاڭىندا قر عىلىم جانە جوعارى ءبىلىم ءمينيسترى ساياسات نۇربەك پەن New York Film Academy پرەزيدەنتى مايكل يانگتىڭ قاتىسۋىمەن ءوتتى.
الەمگە ايگىلى اكادەميانىڭ فيليالىندا وقۋ وسى جىلدىڭ 29 قىركۇيەگىندە الماتى ماڭىنداعى قاسكەلەڭ قالاسىنداعى Energo University-ءدىڭ كرەاتيۆتى يندۋستريالار پاركىنىڭ اۋماعىنداعى زاماناۋي كامپۋستا باستالادى.
فيليالدا وقىتۋدى اقش-تان ارنايى كەلەتىن NYFA كاسىبي دارىسكەرلەرى ءبىر جىلدىق جانە قىسقا مەرزىمدى وقۋ باعدارلامالارى اياسىندا بەس باعىت بويىنشا جۇرگىزەدى: كينو (Filmmaking); پروديۋسەرلىك ەتۋ (Producing); ستسەناريلىك ءىس (Screenwriting); انيماتسيالاۋ جانە ۆيزۋالدى اسەرلەر (3D animation & VFX); ويىن ازىرلەۋ (Game design).
اكادەميانىڭ العاشقى قابىلداۋىنا قازاقستاننان جانە ءوڭىردىڭ كورشى ەلدەرىنەن (قىتاي, ءۇندىستان, رەسەي جانە ت.ب.) 200-گە دەيىن ستۋدەنت قابىلداۋ جوسپارلانۋدا. وقۋدى بىتىرگەننەن كەيىن تۇلەكتەر امەريكا ۋنيۆەرسيتەتىنىڭ ديپلومدارىن جانە نيۋ-يوركتە نەمەسە لوس-اندجەلەستە وقۋىن جالعاستىرا الادى.
قوسىمشا اقپارات الۋ ءۇشىن جوو-نىڭ قابىلداۋ كوميسسياسىنا (+77076006493), سونداي-اق الماتىداعى NYFA رەسمي وكىلىنە (+77019990321) حابارلاسۋعا بولادى.
