تۇتاس ساۋلەت كومپوزيتسياسى 30-جىلداردىڭ ورتاسىندا قيىر شىعىستان كۇشپەن جەر اۋدارىلعان كورەي ۇلتىنىڭ وكىلدەرىنە كومەك قولىن سوزعان قازاق حالقىنىڭ مەيىرباندىعىن بەينەلەگەن.
بيىكتىگى – 4,7 مەتر, ەنى 4,5 مەتر بولاتىن ساۋلەت ونەرى اق قۇستىڭ ايشىقتى قاناتتارىمەن كومكەرىلگەن دوڭگەلەكپەن ورنەكتەلگەن. توبەسىن كيىز ءۇيدىڭ شاڭىراعى جاپقان. جەر شارى بەينەسىندەگى دوڭگەلەكتىڭ ورتاسىندا قازاق ايەلى بالاسىن ارقاسىنا تاڭىپ العان كارىس ايەلىنە قىمىز قۇيىلعان توستاعان ۇسىنىپ تۇر. ەكى ايەل دە – ۇلتتىق كيىمدە. مۇسىندىك كومپوزيتسيانىڭ ءتۇسى – كۇرىش ءدانى تارىزدەس اقشىل-سۇرعىلت.
قازىرگى ۋاقىتتا اقتوبە وبلىسىندا 90-نان اسا ەتنوس وكىلدەرى تۇرادى. سونداي-اق وڭىردە قحا 115 مۇشەسى بار. وبلىستىق قحا قۇرامىنداعى 17 ەتنومادەني بىرلەستىك وكىلدەرى قوعامداعى ماسەلەلەرگە بەلسەنە ارالاسادى. ولار وتباسى قۇندىلىعى جونىندە ءبىلىم بەرۋ ۇيىمدارىندا كەزدەسۋلەر وتكىزىپ, قيىن جاعدايدا قالعان جاس وتباسىلارعا ءجيى كومەكتەسەدى.
