«Charity Samruk Marathon – 2024» قايىرىمدىلىق مارافونى بىلتىر ماۋسىم ايىندا بالالاردى قورعاۋ كۇنىنە وراي استانادا ۇيىمداستىرىلىپ, وعان 1 200-دەن استام ادام قاتىستى. شارادا 127 ملن تەڭگە قايىرىمدىلىق قاراجاتى جينالىپ, استانانىڭ 5 مەكتەبىندە ينكليۋزيانى قولداۋ كابينەتتەرى اشىلعان بولاتىن. مارافونداعى بۇل تابىستى تاجىريبە ودان ءارى جالعاسىپ, ەلوردادا تاعى 5 مەكتەپتە ينكليۋزيا كابينەتتەرى جابدىقتالدى. يگى ءىستىڭ شاراپاتىن 500-دەن استام ەرەكشە بالا كورىپ, ءبىلىم مەن دامۋ ءۇشىن قولايلى ورتا قۇرىلدى. وسىلايشا, مەكتەپتەردەگى ەرەكشە ءبىلىم بەرۋ قاجەتتىلىگى بار بالالاردىڭ 16%-ى ينكليۋزيۆتى بىلىممەن قامتىلدى.
سونىمەن قاتار كابينەتتەردىڭ تۇجىرىمداماسى قور جانە ينكليۋزيا ساراپشىلارىمەن جەتىلدىرىلىپ, open space فورماتىندا دەفەكتولوگ, لوگوپەد, پسيحولوگ ءۇشىن ارنايى ايماقتار جانە جەكە ەمدىك دەنەشىنىقتىرۋ كابينەتى ازىرلەندى. قايىرىمدىلىق مارافونى بيىل دا جالعاسادى. بۇقارالىق شارانى مامىر ايىندا ەلوردادا وتكىزۋ جوسپارلانىپ وتىر. جينالعان اقشا استانا مەكتەپتەرىندە جاڭا ينكليۋزيا كابينەتتەرىن اشۋ سياقتى يگى ماقساتقا باعىتتىلماق.
«جالپى, «سامۇرىق-قازىنا» قولداۋىمەن العاشقى مارافون 2023 جىلى وتكىزىلىپ, قوردىڭ 15 جىلدىعىنا ارنالعان بولاتىن. وتكەن جىلدان بەرى ءىس-شارا قايىرىمدىلىق باعىتتى ۇستانىپ, كوپتىڭ ۇلەسىمەن ەرەكشە بالالارعا زور قولداۋ كورسەتىپ كەلەدى. وسى جىلعى مارافوندى بارشا ەل ازاماتتارى قولداپ, جاقسى ىسكە ۇلەس قوسۋعا شاقىرامىن», دەيدى «Samruk-Kazyna Trust» قورىنىڭ باس ديرەكتورى الفيا اديەۆا.
بۇقارالىق سپورتتى جانە سپورتتىق ينفراقۇرىلىمدى دامىتۋ – قوردىڭ الەۋمەتتىك جاۋاپكەرشىلىگىندەگى باسىم باعىتتاردىڭ ءبىرى. «سامۇرىق-قازىنا» قولداۋىمەن 10 وبلىستا 13 سپورت كەشەنى اشىلدى. 2024 جىلدىڭ سوڭىندا قىزىلوردادا ۇستەل تەننيسى ورتالىعى, تۇركىستاندا بەكزات ساتتارحانوۆ اتىنداعى سپورت كەشەنى, پاۆلودار, قوستاناي وبلىستارىندا اۋا-تىرەك قۇرىلىمىنداعى سپورت نىساندارى ەسىگىن ايقارا اشتى. سونىمەن بىرگە 21 ەلدىمەكەندە 1 100 ەرەكشە بالاعا ارنالعان 90-عا تارتا ينكليۋزيۆتى سپورت سەكتسيالارى جۇمىس ىستەيدى.
2024 جىلى «Samruk-Kazyna Trust» قورى 36 ملرد تەڭگەدەن استام سوماعا 41 قايىرىمدىلىق جوباعا قولداۋ كورسەتىپ, 700 مىڭنان استام ازامات كومەك الدى.
