كورمەگە مايدانگەرلەردىڭ فوتوقۇجاتتارى, ماراپاتتارى مەن جەكە زاتتارى قويىلعان. ونىڭ ىشىندە اتقىش-ۇشقىش, كىشى سەرجانت باقتىوراز بەيسەكباەۆتىڭ ماراپاتتارى, برەست قامالىنىڭ قابىرعاسىنان الىنعان كىرپىش فراگمەنتى, ت.بيگەلدينوۆ, س.لۋگانسكي, م.عابدۋللين, س.نۇرماعامبەتوۆ, ا.حۋساينوۆ, ت.قاۋمباەۆ سەكىلدى داڭقتى جاۋىنگەرلەردىڭ جەكە مۇراعاتتارىنان الىنعان فوتوقۇجاتتار بىردەن نازار اۋدارتادى.
كورنەكى بەينەلەر مەن جەكە وقيعالار ارقىلى سوعىس قاھارماندارىن ۇرپاق جادىندا الديلەگەن كورمە سۇراپىل جىلداردىڭ سۇستى كارتيناسىن كوز الدىڭا اكەلەدى. ءاربىر فوتوسۋرەت جەڭىسكە ۇلەس قوسقان جەكە ادامنىڭ, مەيلى ول سارباز, تىل ەڭبەككەرى نەمەسە لاگەر تۇتقىنى بولسىن, وزىندىك ءبىر جەكە تاعدىرىن اشادى. كورمەنىڭ تاقىرىبى ءار سۋرەتتىڭ ارتىندا ناقتى ءومىر, سىناقتار مەن ەرلىكتەر جاتقانىن ايشىقتاپ, وتكەن مەن بۇگىننىڭ اراسىنداعى بايلانىستى كورسەتەدى.
كورمەنى اشقان مەملەكەتتىك ورتالىق مۋزەي ديرەكتورىنىڭ ورىنباسارى سەرجان باراحان ۇلى «ەر ەسىمى – ەل ەسىندە» جالپىرەسپۋبليكالىق مۋزەيلىك اكتسياسى اياسىندا ۇيىمداستىرىلعان ءىس-شارالار الداعى كۇندەرى دە ءوز جالعاسىن تاباتىنىن جەتكىزدى. سونداي-اق ءىس-شارا بارىسىندا كورمە قوناقتارى جۋرناليست, تاريحشى, ءال-فارابي اتىنداعى قازۇۋ ۋنيۆەرسيتەتىنىڭ پروفەسسورى ءلايلا احمەتوۆا, موم ءارحيۆىنىڭ ديرەكتورى ءسابيت شىلدەباەۆ, سونىمەن بىرگە ۇوس ارداگەرلەرىنىڭ ۇرپاقتارى ءسوز سويلەپ, قان مايداندا ەرلىك كورسەتكەن باتىرلاردىڭ ەرەن ەرلىگى ۇرپاق ساناسىندا ماڭگى جاڭعىراتىنىن اتاپ ءوتتى.
الماتى
