فوتو: اباي وبلىسىنىڭ اكىمدىگى
قازىرگى تاڭدا وقيعاعا قاتىستى سوتقا دەيىنگى تەرگەۋ امالدارى باستالعان.
«كامەلەتكە تولماعانداردىڭ قۇقىقتارىن قورعاۋ جونىندەگى كوميسسيانىڭ شەشىمىمەن جانجالعا قاتىسقان ءتورت وقۋشىنى ارنايى مەكتەپكە جىبەرۋ ۇسىنىلدى. سونىمەن قاتار بالا تاربيەسىنە نەمقۇرايلى قاراعانى ءۇشىن ولاردىڭ اتا-انالارىن اتا-انا قۇقىعىنان ايىرۋ تۋرالى تالاپ-ارىز بەرىلدى. اكىمشىلىك جانە قىلمىستىق قۇقىق بۇزۋشىلىقتار بويىنشا وقۋشىلاردىڭ زاڭدى وكىلدەرى جاۋاپقا تارتىلدى. جابىرلەنۋشىگە وبلىستىق پسيحولوگيالىق قولداۋ ورتالىعىنىڭ ماماندارى كومەك كورسەتىپ جاتىر», دەلىنگەن حابارلامادا.
ايتا كەتەيىك, اباي وبلىسىنىڭ ءبىلىم باسقارماسى جانىنان ارنايى مونيتورينگتىك توپ قۇرىلعان. قازىرگى ۋاقىتتا باسقارما تاراپىنان قىزمەتتىك تەكسەرىس جۇرگىزىلىپ جاتىر. ونىڭ قورىتىندىسى بويىنشا مەكتەپ باسشىلىعىنىڭ تاربيە جانە باقىلاۋ جۇمىسىنداعى جاۋاپكەرشىلىگى قارالادى.
وبلىس اكىمى جيىن بارىسىندا مۇنداي وقيعالاردىڭ قايتالانباۋى ءۇشىن الدىن الۋ جۇمىسىن كۇشەيتۋدى تاپسىردى.
«وبلىستاعى بارلىق مەكتەپ قاتاڭ باقىلاۋدا بولۋى ءتيىس. ءبىلىم باسقارماسى قۇقىق قورعاۋ ورگاندارىمەن بىرگە وقۋشىلارمەن جانە ولاردىڭ اتا-انالارىمەن تۇسىندىرمە جۇمىستارىن جۇيەلى تۇردە جۇرگىزۋ قاجەت. وڭىردەگى مەكتەپتەردىڭ قاۋىپ-قاتەر كارتاسى جاسالىپ, وسىنداي جاعدايلار كەزىندە جەدەل ءارى ۇيلەسىمدى ارەكەت ەتۋگە ارنالعان ناقتى ءىس-شارالار الگوريتمى دايىن بولۋى كەرەك», دەدى بەرىك ءۋالي.
سونىمەن قاتار وبلىس اكىمى وقيعاعا بايلانىستى قىزمەتتىك تەكسەرىس جۇرگىزىپ, جاۋاپتى تۇلعالاردى تارتىپتىك جاۋاپكەرشىلىككە تارتۋدى تاپسىردى.
