كورمەدە تەحنيكالىق جانە كاسىپتىك ءبىلىم بەرۋ مەكەمەلەرىنىڭ ستۋدەنتتەرى ءوز جەتىستىكتەرى مەن يننوۆاتسيالىق جاڭالىقتارىن ۇسىندى. ماسەلەن, ەۋروپالىق جوعارى ەكونوميكا, بيزنەس جانە قۇقىق كوللەدجى داۋىس ارقىلى باسقارىلاتىن گۋمانويد روبوت پەن يت روبوتتى تانىستىردى. ولاردى قوناق ۇيدە قىزمەت ەتۋگە, مۇمكىندىگى شەكتەۋلى جاندارعا كومەك كورسەتۋگە جانە ىزدەستىرۋ-قۇتقارۋ شارالارىنا قاتىستىرۋعا بولادى. قوبدا كوپسالالى كوللەدجى جيھاز جاساۋ بويىنشا اعاش وڭدەۋدەن شەبەرلىك ساباقتارىن وتكىزدى. شالقار كوپسالالى كوللەدجى كيىز بۇيىمدارىن جاساۋ تەحنولوگياسىمەن تانىستىرىپ, قوي, تۇيە جۇندەرىنەن سۋرەت سالۋ جولدارىن كورسەتتى. سونداي-اق كورمەدە ەرەكشە ءبىلىم الۋ قاجەتتىلىكتەرى بار جاستارعا ارنالعان كاسىپ تۇرلەرى تانىستىرىلدى.
كاسىپورىن وكىلدەرى كوللەدج باسشىلىعى مەن ستۋدەنتتەردىڭ اراسىنداعى ءۇش جاقتى كەلىسىمدەر جاساۋ مۇمكىندىگىن تالقىلادى. كورمەنى اقتوبە وبلىسىنىڭ اكىمى اسحات شاحاروۆ ارالاپ, باسەكەگە قابىلەتتى جانە سۇرانىسقا يە ماماندار دايىنداۋدى كۇشەيتۋ ماقساتىندا بيىلعى جىلى وڭىردەگى ون كوللەدجدە قايتا جابدىقتاۋ جۇمىستارى جۇرگىزىلەتىنىن اتاپ ءوتتى. بۇل سۇرانىسقا يە جۇمىسشى ماماندارىن دايىنداۋعا جاقسى سەرپىن بەرەدى.
