ادامنىڭ قابىلەتى مەن مۇمكىندىگى عالامات. تەك ءوز بويىنداعى سول بولەكشە قاسيەتتى ءتۇرلى جاتتىعۋ ارقىلى جەتىلدىرە ءبىلۋ كەرەك. ماسەلەن, ااريان شۋكلا 6 جاسىنان باستاپ ماتەماتيكاعا قىزىققان. سودان باستاپ ۇدايى جاتتىعىپ, 8 جاسىندا حالىقارالىق جارىستاردا جەڭىمپاز اتاندى. كۇنى كەشە ول نەبارى 30,9 سەكۋند ىشىندە ءتورت تاڭبالى 100 ساندى دۇرىس قوسىپ, بەس تاڭبالى 50 ساندى 18,71 سەكۋندتا ەسەپتەپ, گيننەستىڭ رەكوردتار كىتابىنا ەندى. بۇل – راسىمەن تاڭعالارلىق جاعداي. ويتكەنى مۇنداي جىلدامدىققا كالكۋلياتوردىڭ ءوزى ىلەسە المايدى.
