فوتو: پاۆلودار پوليتسيا باسقارماسى
Vita ىزدەستىرۋ جاساعىنىڭ ەرىكتىلەرى حابارلاعانداي, اسۇلان نۇماعامبەتوۆكە 21 اقپان كۇنى ىزدەۋ سالىنعان. كاسىپكەر سول كۇنى پاۆلودار قالاسى, جەڭىس الاڭى كوشەسىندە ورنالاسقان ءوز ءۇيىنىڭ اۋلاسىنان Toyota ماركالى كولىكپەن شىعىپ, جوعالىپ كەتكەن. ەر ادامنىڭ جەكە كاسىبى بولعان, ءارى سول كۇنى ءوزىنىڭ بيزنەس سەرىكتەسىمەن كەزدەسۋ جوسپارلانعان. اسۇلان نۇرماعامبەتوۆتى ىزدەۋگە پوليتسيا مەن اسكەريلەر, ەرىكتىلەر جاساعى جۇمىلدىرىلعان.
«ىزدەستىرۋ ءىس-شارالارى بارىسىندا پوليتسيا قىزمەتكەرلەرى بۇرىن جوعالىپ كەتكەن قالا تۇرعىنىنىڭ مۇردەسىن تاپتى. كىسى ءولتىرۋ بابى بويىنشا قىلمىستىق ءىس قوزعالدى. قىلمىسقا قاتىسى بار ادامدى انىقتاۋ جانە ۇستاۋ بويىنشا جەدەل-ىزدەستىرۋ ءىس-شارالارى جۇرگىزىلۋدە», دەپ حابارلادى پاۆلودار وبلىسى پوليتسيا دەپارتامەنتىنىڭ ءباسپاسوز قىزمەتىنەن.
وقيعانىڭ ءمان-جايى مەن سەبەپتەرى تەرگەۋ بارىسىندا انىقتالاتىن بولادى.
