فوتو: sud.gov.kz
ولاردىڭ ءبىرى دەپارتامەنتتىڭ مەملەكەتتىك قاداعالاۋ ءبولىمىنىڭ باسشىسى, ەكىنشىسى ءبولىمنىڭ باس مامانى بولىپ قىزمەت ەتكەن. لاۋازىم يەلەرى 2016 جىلى «مايقايىڭالتىن» كاسىپورنىنىڭ جەراستى شاحتاسىن تەكسەرۋ بارىسىندا جىبەرىلگەن سالعىرتتىق ءۇشىن جاۋاپتى دەپ تانىلعان.
اتالعان ۋاقىتتا شاحتا ىشىندەگى بەتون قوسپاسىن توسەۋ ەرەجەلەرىنىڭ بۇزىلعانى انىقتالعانىمەن, ءتيىستى شارالار قابىلدانباعان. كەيىن ولار بەتوننىڭ شىن مانىندە قۇيىلعانىن تەكسەرمەستەن قاجەتتى قۇجاتتارعا قول قويا سالعان. بۇل نەمقۇرايلىلىق 2024 جىلى قايعىلى وقيعاعا الىپ كەلگەن.
«سوت مەملەكەتتىك قاداعالاۋ ءبولىمىنىڭ بۇرىنعى باسشىسىن قر قىلمىستىق كودەكسىنىڭ 371-بابى 2-بولىگى بويىنشا كىنالى دەپ تانىپ, ءۇش جىل مەرزىمگە باس بوستاندىعىن شەكتەۋ جازاسىن تاعايىندادى. ال باس ماماننىڭ باس بوستاندىعى 2 جىلعا شەكتەلدى. سونداي-اق ءبولىم باسشىسى بولعان ازامات مەملەكەتتىك قىزمەتتە جانە قارجىلىق ۇيىمداردا ەڭبەك ەتۋ قۇقىعىنان ءومىر بويىنا ايرىلدى. ەكىنشى ايىپتالۋشىعا ونەركاسىپتىك قاۋىپسىزدىك سالاسىنداعى قاداعالاۋ جانە باقىلاۋ قىزمەتىنە بايلانىستى لاۋازىمداردى ءۇش جىل بويىنا اتقارۋعا تىيىم سالىندى», دەپ حابارلادى باياناۋىل اۋداندىق سوتىنىڭ سۋدياسى تەڭلىك قادىربەكوۆا.
اتاپ وتەرلىگى, قوس ازامات مايقايىڭداعى اپاتقا دەيىن دەپارتامەنتتەگى جۇمىستان شىعىپ كەتكەن.
