ءىس-ساپار بارىسىندا فەدەراتسيا پرەزيدەنتى مارات وماروۆ شاندور چانيگە قفف كەڭسەسىندە تانىستىرۋ ەكسكۋرسياسىن وتكىزىپ, فەدەراتسيانىڭ قىزمەتى تۋرالى باياندادى. سونداي-اق فۋتبول ۇيىندەگى مانەجدى كورسەتتى.
كەزدەسۋ بارىسىندا تاراپتار قازاقستاندا فۋتبولدى دامىتۋ, فيفا جانە ۋەفا ۇيىمدارىمەن ىنتىماقتاستىقتى نىعايتۋدىڭ ماڭىزىن اتاپ ءوتتى. بۇعان قوسا, فۋتبول باستامالارىن جۇزەگە اسىرۋدا ءوزارا قولداۋ كورسەتۋ قاجەتتىگى جايلى وزەكتى ماسەلەلەردى تالقىلاندى.
شاندور چاني جاڭادان قفف پرەزيدەنتى بولىپ سايلانعان مارات تالعات ۇلىن قىزمەتىمەن قۇتتىقتاپ, ەكىجاقتى ىنتىماقتاستىقتىڭ جەمىستى بولاتىنىنا سەنىم ءبىلدىردى. سونداي-اق فيفا مەن ۋەفا قازاقستاندا فۋتبولدىڭ دامۋىن جان-جاقتى قولداۋعا دايىن ەكەنىن ەرەكشە اتاپ ءوتتى.
