-10 كۇن ىشىندە باعا كۇرت كوتەرىلدى. مىسالى, جەرگىلىكتى قىرىققابات تاۋسىلدى, مىناۋ وزبەكستاندىق ءونىم, ءبىز ونى 300 تەڭگەگە ساتامىز. جەرگىلىكتى كوكونىستەردىڭ قورلارى تاۋسىلدى. ءبىز جاڭا ءونىم كۇتەمىز. مامىردا باعا تومەندەۋى كەرەك, - دەيدى ساتۋشى سابىرجان بەكتاەۆ.
ەلىمىزدى كوكونىسپەن قامتاماسىز ەتىپ وتىرعان وڭتۇستىك وڭىردە باعا كوتەرىلسە, كوپ ۇزاماي باسقا قالالاردا دا ازىق-ت ۇلىك ونىمدەرى قىمباتتاي باستادى. ول – زاڭدىلىق. قازىردىڭ وزىندە كەيبىر قالالاردا قىرىققابات قىمباتتاعان. اسىرەسە, پاۆلودار, اقتوبە, سەمەي قالالارىندا باعا كۇرت كوتەرىلگەن.
ۇلتتىق ستاتيستيكا بيۋروسىنىڭ مالىمەتىنشە, قازاقستان بويىنشا ءبىر كەلى قىرىققابات ورتا ەسەپپەن 173 تەڭگە تۇرادى.
سونداي-اق قىزىلشا 50 تەڭگەگە قىمباتتاپ, قازىر ونىڭ كەلىسى 300 تەڭگەدەن ساۋدالانىپ جاتىر.
ەلىمىزدىڭ ەكونوميكا مينيسترلىگى الداعى ۋاقىتتا كوكونىس ونىمدەرىنىڭ باعاسى ودان ءارى وسەتىنىن بولجاپ وتىر. بۇل جاعدايدى ولار ماۋسىمدىق كەزەڭمەن بايلانىستىرادى جانە الداعى بولاتىن ققس-تىڭ كوتەرىلۋىنە قاتىسى جوق دەپ ەسەپتەيدى.
ايتا كەتەيىك, قازىر شىمكەنت بازارلارىندا كارتوپتىڭ كەلىسى 400 تەڭگەدەن ساتىلىپ جاتىر. ال ەلىمىزدىڭ كەيبىر وڭىرلەرىندە باعا بۇدان دا جوعارى.
