فوتو: kazfootball.kz
«قايرات» پەن «اقتوبە» فۋتبول ماتچى «استانا ارەنا» ستاديونىندا ساعات 15:00-دە, «بارىس» حك حوككەي ماتچى «بارىس ارەنادا» ساعات 17:00-دە باستالادى.
قالا اكىمدىگىنىڭ حابارلاۋىنشا, جولداعى كەپتەلىستىڭ الدىن الۋ ءۇشىن فۋتبول كورەرمەندەرى ءۇشىن قوزعالىس تەك قابانباي باتىر داڭعىلى ارقىلى جۇزەگە اسىرىلادى. حوككەي جانكۇيەرلەرىنە تەك تۇران داڭعىلى ارقىلى كىرىپ, شىعۋعا بولادى.
شەكتەۋلەر ماتچتار باستالعانعا دەيىن بىرنەشە ساعات بۇرىن ەنگىزىلەدى جانە ولار اياقتالعانعا دەيىن ساقتالادى.
«استانا قالاسىنىڭ اكىمدىگى ەلوردا تۇرعىندارى مەن قوناقتارىنان ۋاقىتشا وزگەرىستەرگە تۇسىنىستىكپەن قاراپ, قوزعالىس باعىتىن الدىن الا جوسپارلاۋدى سۇرايدى», دەلىنگەن حابارلامادا.
