يگى باستامانى «AMANAT» پارتياسىنىڭ مۇشەلەرى قولعا الىپ, ونى «جاستار رۋحى» جاستار قاناتىنىڭ ەرىكتىلەرى مەن اۋىل تۇرعىندارى قولدادى. جالپى سەنبىلىككە 30-عا جۋىق ادام قاتىسىپ, بىرنەشە ساعات ىشىندە 6 توننا قوقىس جينادى.
اۋىل كوشەلەرىن قوقىستان تازارتۋ – تۇرعىندار ءۇشىن وزەكتى ماسەلەگە اينالعان. اسىرەسە, قۇرىلىس قالدىقتارى – بەتون سىنىقتارى, كىرپىشتەر, تاقتايلار مەن پلاستيك پانەلدەردىڭ كورىنگەن جەردە شاشىلىپ جاتقانى كوڭىلگە كىربىڭ تۇسىرەتىن. قورشاعان ورتاعا نەمقۇرايدى قارايتىن تۇرعىنداردىڭ كەيبىرى قالدىقتاردى ارنايى ورىندارعا شىعارماي, جول جيەگىنە نەمەسە اشىق جەرلەرگە توگە بەرگەن.
«كەيبىر تۇرعىندار جوندەۋ جۇمىستارىنان كەيىن قالدىقتاردى كەز كەلگەن جەرگە تاستاي سالعان. اۋىلىمىز لاستانىپ, قوقىس كۇن ساناپ كوبەيە بەردى. سوندىقتان «AMANAT» پارتياسىنىڭ مۇشەلەرى سەنبىلىك ۇيىمداستىراتىنىن ايتقاندا بىردەن قولدادىق», دەيدى اۋىل تۇرعىنى.
ەكولوگيالىق اكتسيانىڭ باستى ماقساتى – تەك قوقىس جيناۋ عانا ەمەس, اۋىل تۇرعىندارىن قورشاعان ورتاعا جاۋاپكەرشىلىكپەن قاراۋعا شاقىرۋ. ۇيىمداستىرۋشىلاردىڭ ايتۋىنشا, ماسەلەنى ءبىر رەتتىك سەنبىلىكپەن شەشۋ مۇمكىن ەمەس, ەڭ باستىسى – قوقىستىڭ قايتا جينالۋىنا جول بەرمەۋ. سوندىقتان بۇدان بىلاي اۋىل تۇرعىندارى اپتا سايىن سەنبىلىك وتكىزىپ, تازالىقتى ساقتاپ وتىرۋعا كەلىستى.
ء«بىزدىڭ ماقساتىمىز – تەك كوشەلەردى تازارتۋ عانا ەمەس, تۇرعىندارعا تازالىق مادەنيەتىن ۇيرەتۋ. تازالىق جۇمىستارى كەزىندە تۇرعىندار قوقىستىڭ قانشالىقتى كوپ ەكەنىن كوردى. ەگەر ءار ادام قورشاعان ورتانى تازا ۇستاۋعا اتسالىسسا, مۇنداي لاستانۋ مۇلدەم بولماس ەدى», دەدى «AMANAT» پارتياسىنىڭ مۇشەسى بەكجان سۇنبەكوۆ.
جينالعان بارلىق قوقىس سۇرىپتالىپ, ارنايى ورىندارعا شىعارىلدى. ۇيىمداستىرۋشىلار مۇنداي باستامالار اۋىلداعى ەكولوگيالىق احۋالدى جاقسارتۋعا ۇلەس قوساتىنىنا سەنىمدى.
