«كەلەشەك» – بۇل مەملەكەتتەن بولىنەتىن گرانتتاردان بولەك, ءبىلىم الۋعا قارجىلاي كومەك كورسەتەتىن جۇيە. ياعني اتا-انالار بالالارى ءۇشىن ارنايى ءبىلىم جيناقتاۋ شوتىن اشىپ, قاراجات جيناقتاي الادى. بالا 5 جاسقا تولعان كەزدە مەملەكەت باستاپقى ءبىلىم كاپيتالى رەتىندە 60 اەك (235 920 تەڭگە), ال اتا-اناسىنىڭ قامقورلىعىنسىز قالعان جەتىم بالالارعا 120 اەك (471 840 تەڭگە) كولەمىندە قاراجات اۋدارادى. سونداي-اق جىل سايىن 5-7% مولشەرىندە مەملەكەتتىك سىياقى, ءومىردى ساقتاندىرۋ كومپانياسىنىڭ ينۆەستيتسيالىق تابىسى تولەنەدى. اتالعان قاراجاتتى جوعارى ءبىلىم الۋ ماقساتىندا جۇمساۋعا بولادى, ياعني, بۇل بالالارعا ەرتە جاستان باستاپ بولاشاقتاعى وقۋىنا قاجەتتى قاراجاتتى جيناقتاۋعا مۇمكىندىك بەرەدى. جيناقتالعان قاراجاتتى ەلىمىزدەگى جانە شەتەلدەگى ۋنيۆەرسيتەتتەرگە تولەۋگە مۇمكىندىك تۋادى. بىراق ءبىر ەسكەرتەتىن جايت, «كەلەشەك» جۇيەسىنىڭ شارتى بويىنشا, اتا-انالار جىل سايىن ەڭ كەمىندە 12 نەمەسە 24 اەك مولشەرىندە مىندەتتى جارنا تولەۋى قاجەت. جەتىم بالالاردان جىل سايىنعى جارنالار تالاپ ەتىلمەيدى. مەملەكەتتىك گرانتتان تۇسكەن قاراجاتتى جوعارى وقۋ ورنىنان كەيىنگى ءبىلىم الۋ ءۇشىن پايدالانادى. سونىمەن قاتار جيناقتالعان قاراجاتتى تۇرعىن ءۇي شارتتارىن جاقسارتۋعا نەمەسە قاجەت كەزدە ءۇشىنشى تۇلعالارعا بەرۋگە رۇقسات ەتىلەدى. سالىمشى ءبىلىم الاتىنى تۋرالى قۇجاتتاردى ۇسىنعان جاعدايدا, جيناقتالعان قاراجاتپەن بىرگە, بانكتىڭ كاپيتالداندىرىلعان سىياقىسىن, مەملەكەتتىك سىيلىقاقى مەن باستاپقى ءبىلىم بەرۋ كاپيتالىن تولىق كولەمدە الا الادى.
ايتا كەتەيىك, «Coventry University Kazakhstan» – استاناداعى تۇڭعىش بريتاندىق ۋنيۆەرسيتەت كامپۋسى. ول «Coventry University Group» قۇرامىنا كىرەدى جانە ستۋدەنتتەرگە بريتاندىق ديپلوممەن راستالعان ساپالى ءبىلىم الۋعا مۇمكىندىك بەرەدى. ۋنيۆەرسيتەت قازىر بيزنەس, كومپيۋتەرلىك عىلىمدار سالاسىندا باكالاۆريات
جانە MBA باعدارلامالارىن ۇسىنادى. الداعى ۋاقىتتا وقۋ باعدارلاماسىنا ونەر جانە ديزاين, قۇرىلىس مەنەدجمەنتى, حالىقارالىق قاتىناستار, قارجى سالاسى سياقتى جاڭا ماماندىقتار ەنگىزۋ جوسپارلانىپ وتىر.
«Coventry University Kazakhstan» العاشقىلاردىڭ ءبىرى بولىپ «كەلەشەك» جۇيەسىن قولدادى. بۇل – ءبىلىم سالاسىنداعى الەۋمەتتىك جاۋاپكەرشىلىگىمىزدىڭ ءبىر كورىنىسى. ءبىزدىڭ ماقساتىمىز – ستۋدەنتتەرگە الەمدىك دەڭگەيدەگى ءبىلىم الۋىنا جاعداي جاساۋ», دەدى ۋنيۆەرسيتەت پرەزيدەنتى ميراس داۋلەنوۆ.
