ماسەلەن, بيىلعى جىلدىڭ 27 مامىرىنان باستاپ «Air Astana» اۋەكومپانياسى اتىراۋدان تبيليسيگە تىكەلەي رەيستەردى ىسكە قوسۋدى جوسپارلاپ وتىر. رەيستەر اپتاسىنا 3 رەت سەيسەنبى, جۇما جانە جەكسەنبى كۇندەرى Airbus ءتيپتى اۋە كەمەلەرىمەن ورىندالادى. بۇگىنگى تاڭدا تبيليسيگە رەيستەر الماتى جانە اقتاۋ قالالارىنان ورىندالادى.
سونىمەن قاتار بيىلعى جىلدىڭ 28 مامىرىنان باستاپ «SCAT» اۋەكومپانياسى شىمكەنت قالاسىنان سيان قالاسىنا تىكەلەي رەيستەردى ىسكە قوسۋدى جوسپارلاپ وتىر. رەيستەر سارسەنبى جانە سەنبى كۇندەرى ورىندالادى. تىكەلەي رەيستەردى قىتاي اۋەكومپانيالارى الماتى مەن استانادان ورىندايدى.
جاڭا باعىتتاردىڭ اشىلۋى ەلدەر اراسىنداعى ساۋدا-ەكونوميكالىق, ينۆەستيتسيالىق, تۋريستىك جانە مادەني ىنتىماقتاستىقتى ودان ءارى دامىتۋعا ىقپال ەتپەك.
