اتاپ ايتقاندا:
- Jury Grand Prize (قازىلار القاسىنىڭ باس جۇلدەسى)
- Critical Jury Prize (كينوسىنشىلار القاسىنىڭ جۇلدەسى)
- NETPAC Jury Prize (NETPAC قازىلار القاسىنىڭ جۇلدەسى)
ء«ابىل» ءفيلمى – كەڭەس وداعى قۇلاپ, «كولحوز-سوۆحوز تاراپ, مال-م ۇلىك بولىسكە ءتۇسىپ, ەلدە پريۆاتيزاتسيا جۇرگەن» كەزەڭدەگى قياناتقا ۇشىراعان قاراپايىم ادامدار مەن قاراۋسىز قالعان قازاق اۋىلىنداعى بەيبەرەكەت ءومىردى سۋرەتتەيدى. سول ارقىلى كينوتۋىندى تاۋەلسىزدىك باسىنداعى كۇردەلى ۋاقىت اياسىنداعى قازاق حالقىنىڭ رۋحاني كەيپىنە, پسيحولوگيالىق كۇيىنە ۇڭىلەدى. فيلمدە ادام ءومىرىنىڭ قۇنسىزدىعى, قازاق حالقىنىڭ باستان كەشكەن جاعدايى, ءوز جەرىندە وگەيدىڭ كۇيىن كەشۋى, سوتسياليزمنەن كاپيتاليزمگە اۋىسۋ تۇسىنداعى ەكىۇداي سەزىم, سونىمەن قاتار جەمقورلىقتىڭ پايدا بولۋى قىلاڭ بەرەدى. ۇلكەن تاريحي وقيعالار كەزىندەگى قاراپايىم ادامداردىڭ تاعدىرى سۋرەتتەلەدى.
بيىلعى جىلعى فەستيۆالدىڭ قازىلار القاسىنىڭ توراعاسى بۇگىنگى تاڭداعى الەمدىك كينونىڭ ەڭ ىقپالدى رەجيسسەرلەرىنىڭ ءبىرى, قىتايلىق تسزيا چجانكە بولدى. ونىڭ «پلاتفورما», «الەم», «كۇناعا باتۋ» جانە «رومانتيك بۋىن» سياقتى تۋىندىلارى حالىقارالىق ۇزدىك كينوفەستيۆالداردا جوعارعى ماراپاتتار مەن باعاعا يە بولعان. تسزيا چجانكە شەبەرلىگىنىڭ باستى ەرەكشەلىگى قىتايدىڭ الەۋمەتتىك بەت-بەينەسىن نازىك تۇردە زەردەلەي سۋرەتتەۋىمەن ەرەكشەلەنەدى.
Vesoul حالىقارالىق ازيا كينوفەستيۆالى – ازيا كينوسىنا ارنالعان ەڭ كونە جانە ەڭ ءىرى ەۋروپالىق فەستيۆالداردىڭ ءبىرى. 1995 جىلى نەگىزى قالانعان فەستيۆال جىل سايىن ازيانىڭ جۇزدەگەن فيلمدەرىن فرانتسيا كورەرمەندەرىنە ۇسىنۋ ارقىلى ولارعا جاس ەسىمدەردى تانىتىپ جانە اۆتورلىق كينەماتوگرافياعا ۇلكەن قولداۋ كورسەتەدى.
فرانتسۋز پرەمەراسىندا ءفيلمدى رەجيسسەر ەلزات ەسكەندىر مەن اكتەر ەرلان تولەۋتاي تانىستىردى.
ء«ابىل» ءفيلمىنىڭ الەمدىك پرەمەراسى 29-بۋسان حالىقارالىق كينوفەستيۆالىندە وتكەن. ودان كەيىن ساپارى گونكونگ حالىقارالىق ازيا كينوفەستيۆالى, سكانديناۆيا ءوڭىرىنىڭ ەڭ باستى 48-گەتەبورگ حالىقارالىق كينوفەستيۆالدارىنا قاتىسۋمەن جالعاسىپ, اۋديتوريانىڭ ۇلكەن قىزىعۋشىلىعىن تۋدىرعان. سونىمەن قاتار الداعى ۋاقىتتا دا بىرنەشە حالىقارالىق كينو الاڭدارىنا شاقىرتۋ العانى بەلگىلى بولىپ وتىر.
