فوتو: zhalagash-zharshysy.kz
«وتە ۇلكەن سومالار اتالدى. ماسەلە, افم قۇقىق قورعاۋ ورگانى بولىپ تابىلاتىن ەكونوميكالىق تەرگەۋ قىزمەتىنىڭ قۇرامىنا كىرەدى. جانە ءبىز قىلمىستىق ءىستى ۋاكىلەتتى ورگان ءتيىستى تەكسەرۋ جۇرگىزىپ, اكتىنى نەمەسە قورىتىندىنى ۇسىنعاننان كەيىن عانا تىركەي الامىز, وندا مەملەكەتكە سالىقتى تولەمەۋ تۇرىندەگى زالالدىڭ ناقتى سوماسى انىقتالادى», دەپ مالىمدەدى جەڭىس ەلەمەسوۆ.
افم توراعاسىنىڭ ورىنباسارىنىڭ ايتۋىنشا, ۆەدومستۆو سالىق ورگاندارى تەكسەرۋدى اياقتامايىنشا جانە زالالدىڭ ناقتى مولشەرىن انىقتامايىنشا, قىلمىستىق ىستەردى ءوز بەتىنشە قوزعاي المايدى.
«ەگەر ناقتى بلوگەرگە قاتىستى مەملەكەتكە كەلتىرىلگەن زالال سوماسى بۇگىنگى قىلمىستىق زاڭنامادا كوزدەلگەن نورمالاردان اسىپ كەتسە, وندا قىلمىستىق ءىس تىركەلەتىن بولادى. ەگەر بۇل شەكتەن اسىپ كەتپەسە, وندا ولاردى مەملەكەتتىك كىرىستەر كوميتەتى اكىمشىلىك جاۋاپكەرشىلىككە تارتادى», دەپ قوستى جەڭىس ەلەمەسوۆ.
ەستەرىڭىزگە سالا كەتەيىك, قازاقستان بلوگەرلەرى ميللياردتاعان تەڭگەگە بەرەشەك تۋرالى جاپپاي سالىق حابارلامالارىن العان بولاتىن. مكك مالىمەتىنشە, 594 ادام ءوز تابىسىن 53,3 ملرد تەڭگەگە تومەندەتىپ كورسەتكەن.
