قىلمىسقا قارسى شارالار قارالدى

كەشە باس پروكۋراتۋرادا “قازىرگى كەزەڭدەگى ۇيىمداسقان قىلمىسقا قارسى كۇرەس: پروبلەمالار جانە ولاردى شەشۋ جولدارى, ۇيىمداسقان قىلمىسقا قارسى ارەكەت جاساۋ جونىندەگى شارالاردى جەتىلدىرۋ” تاقىرىبىندا حالىقارالىق عىلىمي-پراكتيكالىق كونفەرەنتسيا بولىپ ءوتتى. كونفەرەنتسيا ۇيىمداسقان قىلمىسقا قارسى كۇرەس سالاسىندا حالىقارالىق ىنتىماقتاستىق ماسەلەسىنىڭ ايرىقشا وزەكتىلىگىنە بايلانىستى ۇيىمداستىرىلدى. ونىڭ جۇمىسىنا گەرمانيا, ۇلىبريتانيا, رەسەي ساراپشىلارى, قۇقىقتانۋشى عالىمدار, جوعارعى سوتتىڭ, ىشكى ىستەر مينيسترلىگىنىڭ, ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ, ۇلتتىق قاۋىپ­سىزدىك كوميتەتىنىڭ, قارجى مي­نيستر­لىگى كەدەندىك باقىلاۋ كومي­تەتىنىڭ, ادىلەت مينيسترلىگى قىل­مىستىق-اتقارۋ جۇيەسى كوميتەتىنىڭ وكىلدەرى قاتىستى. فورۋم جۇمىسىنىڭ اشىلۋىن­دا باس پروكۋروردىڭ ءبىرىنشى ورىن­باسارى ي.مەركەل ۇيىم­داس­قان قىلمىسقا قارسى كۇرەس ەلدىڭ قۇقىق قورعاۋ ورگاندارىنىڭ اسا ماڭىزدى مىندەتى بولىپ تابى­لا­تىنىن اتاپ كورسەتتى. قازىرگى زا­مان­داعى ۇيىم­داسقان قىلمىس ترانسۇلتتىق سي­پاتقا يە بولعان­دىقتان, وعان قارسى كۇرەس كەڭ اۋقىمدى حالىقارالىق ىنتىماق­تاستىق نەگىزىندە بىرلەسكەن كۇش­پەن جۇرگىزىلۋى ءتيىس. وسىعان وراي, ءارتۇرلى ەلدەردىڭ كۇش-قۋاتىن ءبى­رىك­تىرىپ, قۇقىق قورعاۋ ورگاندارى­نىڭ ءوزارا ءىس-قيمىلى سالاسىن كەڭەيتۋ جونىندە ۇسىنىس جاسالدى, دەپ حابارلادى باس پروكۋرا­تۋرانىڭ ءباسپاسوز قىزمەتى.