دەپۋتات كەنىشتەردەگى قاۋىپسىزدىككە كوڭىل ءبولۋدى ۇسىندى

دەپۋتاتتىڭ ايتۋىنشا جازاتايىم وقيعالاردىڭ جيىلەۋى ونەركاسىپتىك قاۋىپسىزدىك ماسەلەلەرىنە ءالسىز كوڭىل ءبولۋدىڭ تىكەلەي سالدارى بولىپ تابىلادى, بۇعان ستاتيستيكا دالەل.

«مىسالى, 2023 جىلى بالقاش مىس بالقىتۋ زاۋىتى مەن شىعىس جەزقازعان كەنىشىنىڭ № 57 شاحتاسىندا مونتاجشى مەن تاۋ-كەن شەبەرى قازا تاپتى. قاراشا ايىندا جەزقازعان № 2 بايىتۋ فابريكاسىندا 1 ايەل, ال جامبىل وبلىسىنداعى «جايسان» كەنىشىندە 2 كەنشى دۇنيە سالدى. 2024 جىلعى قازاندا بالقاش وڭىرىندەگى «ساياك-3» شاحتاسىندا ۋلى گاز شىعۋىنان تاعى 2 شاحتەر كوز جۇمدى.

ەندى مىنە, 7 ادامنىڭ ءومىرىن قيعان جاڭا قايعىلى وقيعا. مىس وندiرەتiن كەنiشتە بولۋى مۇمكiن گازدىڭ جارىلىسى تۋرالى اقپارات ەرەكشە الاڭداتادى, بۇل تەحنيكا قاۋiپسiزدiگiنiڭ بۇزىلعاندىعىن كورسەتەدi.

وسىعان بايلانىستى مىناداي سۇراق تۋىندايدى: نەلىكتەن ەڭ ۇزدىكتەردىڭ ءبىرى جانە رەنتابەلدى كاسىپورىندار جوعارى پايدا اكەلۋدى جالعاستىرىپ جاتىر, بىراق جىلدار بويى ەڭبەك قاۋىپسىزدىگىنىڭ ءتيىستى دەڭگەيىن قامتاماسىز ەتپەيدى؟!», دەدى دەپۋتات.

دەپۋتاتتىڭ سوزىنشە مۇنداي تەحنوگەندىك اپاتتار جىل سايىن قايتالانادى جانە ەلىمىزدىڭ كەنىشتەرىندە, شاحتالارىندا جانە مۇناي كەن ورىندارىندا بولىپ تۇرادى. بۇل – ونەركاسىپتىك قاۋىپسىزدىك تۇرعىسىندا مەملەكەتتىك ينستيتۋتتاردىڭ قاجەتتىلىگىن ءارى ماڭىزدىلىعىن كورسەتەدى.

«بىراق, وسى جۇيەنى ۇنەمى رەفورمالاۋعا بايلانىستى ءبىز تۇتاستاي باقىلاۋشى مەملەكەتتىك سالادان, ونىڭ ىشىندە ەڭ جوعارى دەڭگەيدەگى مامانداردان, ينسپەكتورلاردان ايىرىلدىق», دەدى ارمان قوبىلاندى ۇلى.

دەپۋتاتتىڭ سوزىنشە ول جانە ونىڭ ارىپتەستەرى بىرنەشە رەت دەپۋتاتتىق ساۋالدار جولداپ, ونەركاسىپتىك قاۋىپسىزدىكتىڭ مەملەكەتتىك جۇيەسىنىڭ قايتا ۇيىمداستىرىلۋىنا بايلانىستى بولاشاق قايتىمسىز سالدارلار تۋرالى ەسكەرتكەن جانە وعان قوسا, ونەركاسىپتىك قاۋىپسىزدىك سالاسىندا قاداعالاۋدى كۇشەيتۋ تۇرعىسىندا زاڭنامالىق جانە جۇيەلى نورمالاردى ۇسىنعان.

«ەڭ جامانى, ينسپەكتوردىڭ تەكسەرۋ پاراعى قوو قاۋىپسىزدىگىن قامتاماسىز ەتۋگە قاتىستى ەمەس, ءورت جانە ەكولوگيالىق قاۋىپسىزدىك, ەڭبەكتى قورعاۋ جانە قاۋىپسىزدىك تەحنيكاسى جۇيەسىنەن الىنعان.

سونداي-اق, 10 جىل بۇرىن ونەركاسىپتىك قاۋىپسىزدىك پروبلەمالارى جونىندەگى جالعىز رەسپۋبليكالىق عىلىمي ينستيتۋت تاراتىلدى. تەحنوگەندىك قاۋىپسىزدىك سالاسىنداعى عىلىمي-ادىستەمەلىك بازا ءىس جۇزىندە جويىلدى», دەدى دەپۋتات.

دەپۋتاتتىڭ ايتۋىنشا جيناقتالعان كەلەڭسiز فاكتورلار تۇرعىسىنان ونەركاسiپتiك قاۋiپسiزدiك جۇيەسiندە قالىپتاسقان جاعدايعا تيiستi تالداۋ جۇرگiزىلمەستەن ونى ودان ءارi قىسقارتۋ پروتسەسi بايقالدى. بۇدان باسقا, ازاماتتىق قورعاۋعا يە وڭىرلىك ونەركاسىپتىك قاۋىپسىزدىك دەپارتامەنتتەرى بىرىكتىرىلدى. ەندى تاۋ-كەن ونەركاسىبىندەگى, قۇرىلىستاعى, قاۋىپتى وندىرىستەردەگى ونەركاسىپتىك قاۋىپسىزدىك ماسەلەلەرى, ياعني ءورت سوندىرۋشىلەر مەن قۇتقارۋشىلار تجد قاراماعىنا بەرىلدى.

وسى جانە باسقا دا جايتتاردى ايتا كەلە, دەپۋتات مىناداي ۇسىنىستارىن ايتتى:

«1. ونەركاسiپتiك قاۋiپسiزدiكتi قامتاماسىز ەتۋ فۋنكتسيالارىن سالالىق مينيسترلiكتەردەن بەرە وتىرىپ, دەربەس جانە پرەمەر-مينيسترگە تiكەلەي ەسەپ بەرەتiن مەملەكەتتiك ورگان قۇرۋ   جولىمەن ونەركاسiپتiك قاۋiپسiزدiك سالاسىنداعى مەملەكەتتiك باقىلاۋدى كۇشەيتۋ جونiندەگi ماسەلەلەردi قاراۋ.

2.قاۋiپتi وندiرiستەردە جۇمىس iستەيتiن قىزمەتكەرلەردiڭ ءومiرi مەن دەنساۋلىعىن ساقتاندىرۋ جۇيەسiن جەتiلدiرۋ جونiندە شارالار قابىلداۋ.

3.گاز قاۋiپسiزدiگi جونiندەگi ساراپشىلاردى تارتا وتىرىپ, اۆاريانىڭ سەبەپتەرiنە دەرەۋ مۇقيات جانە تاۋەلسiز تەكسەرۋ جۇرگiزiلسiن. كەنىشتەردى جەلدەتۋ جۇيەلەرىنىڭ ساناتقا سايكەستىگىن تەكسەرۋ.

4.قازiرگi زامانعى ەڭبەك قاۋiپسiزدiگi تالاپتارىنا جاۋاپ بەرەتiن تاۋ-كەن ءوندiرۋ كاسiپورىندارىنداعى جابدىقتار مەن تەحنولوگيالاردى جاڭعىرتۋدى قارجىلاندىرۋدى قامتاماسىز ەتۋ», دەپ تۇيىندەدى ءماجىلىس دەپۋتات ارمان قالىقوۆ.