فوتو: astanatv.kz
ەلىمىزدە ىشكى اۋە تاسىمالىن التى اۆياكومپانيا 56 باعىت بويىنشا ء(وسىم 10%-عا) جۇزەگە اسىرادى. قازاقستاندىق اۆياكومپانيالار جىل سايىن شامامەن 10-15 جاڭا زاماناۋي ۇشاق ساتىپ الادى. قازىرگى ۋاقىتتا اۋە كەمەلەرىنىڭ پاركىندە 104 ۇشاق بار, جىل سوڭىنا دەيىن تاعى 14 ۇشاق ساتىپ الىنادى.
تالعات لاستاەۆتىڭ ايتۋىنشا, 2024 جىلى ەۋروكوميسسيا قازاقستان اۆياكومپانيالارى ءۇشىن ەۋرووداق ەلدەرىنە ۇشۋعا قاتىستى «قارا تىزىمدەگى» بارلىق شەكتەۋلەردى الىپ تاستاعان. قازاقستانداعى اۋە رەيستەرىنىڭ تۇراقتىلىعى 75 پايىزدى قۇرايدى. بۇل الەمدىك كورسەتكىشتەرگە ساي.
«اۆياتسيالىق وقيعالاردى تەرگەۋ يكاو ۇشۋ قاۋىپسىزدىگىن باعالاۋ ءۇشىن اسا ماڭىزدى سەگىز كريتيكالىق كورسەتكىشتىڭ ءبىرى. قازاقستاندا بۇل كورسەتكىش 51%-دى قۇرايدى. باسقا كورسەتكىشتەردىڭ ىشىندە ول ەڭ تومەن بولىپ قالا بەرەدى. جىل سوڭىنا دەيىن كولىك وقيعالارىن تەرگەۋ جونىندەگى ارنايى ورتالىق قۇرۋ جوسپارلانىپ وتىر. ورتالىق قاجەتتى قۇرال-جابدىقپەن قامتىلىپ, بىلىكتى مامانندار جۇمىسقا شاقىرىلادى», دەدى كولىك ۆيتسە-ءمينيسترى.
ەلىمىزدە جىل سايىن اۋە رەيستەرىن تاڭدايتىن جولاۋشىلار سانى ارتىپ كەلەدى. ماسەلەن, بىلتىر وتاندىق اۆياكومپانيالار 14,7 ملن جولاۋشىنى تاسىمالداعان. بۇل 2023 جىلمەن سالىستىرعاندا 11 پايىزعا كوپ. ال اۋەجايلاردا 29,7 ملن ادام قىزمەت كورسەتكەن.
