فوتولار: جوعارعى سوت
ازەربايجان سۋديالارىنىڭ استاناعا بۇل جۇمىس ساپارى – سوڭعى ءۇش جىلداعى ءۇشىنشى ساپارى. سونىڭ اياسىندا دەلەگاتسيا قازاقستان سوتتارىندا جۇرگىزىلىپ جاتقان رەفورمالاردى ەگجەي-تەگجەيلى زەردەلەۋدى جوسپارلادى.
ازەربايجاندىق دەلەگاتسيانىڭ كەلۋىنە وراي ىزگى تىلەگىن جەتكىزە وتىرىپ, قر جوعارعى سوتىنىڭ توراعاسى اسلامبەك مەرعاليەۆ سوت تورەلىگىنە قولجەتىمدىلىكتى كەڭەيتۋگە جانە بۇزىلعان قۇقىقتاردى قورعاۋعا باعىتتالعان سوت رەفورماسىنىڭ نەگىزگى باستامالارىنا توقتالدى.
ولاردىڭ قاتارىندا – اكىمشىلىك ادىلەتتى دامىتۋ (ازاماتتار مەن كاسىپكەرلەر مەملەكەتتىك ورگاندارعا قارسى ىستەردىڭ 58 پايىزىن جەڭەدى), اپەللياتسيانىڭ ءرولىن كۇشەيتۋ, وتباسىلىق سوتتاردى قۇرۋ, ەكساۋماقتىق سوتتىلىقتى ەنگىزۋ, سونداي-اق كاسساتسيالىق قاداعالاۋدى جەتىلدىرۋ ماسەلەلەرى بار.
سونىمەن قاتار, سوتتاردى قارجىلاندىرۋدىڭ جاڭا مودەلىن ەنگىزۋ ارقىلى سۋديالاردىڭ تاۋەلسىزدىگىن نىعايتۋ, سۋديالاردى كاسىبي باعالاۋ ادىستەمەسىن جەتىلدىرۋ جانە سوت ءىسىن جۇرگىزۋدى تسيفرلاندىرۋ اتاپ ءوتىلدى.
اتالعان رەفورمالار تۋرالى تولىعىراق قر جوعارعى سوتىنىڭ ازاماتتىق ىستەر جونىندەگى سوت القاسىنىڭ توراعاسى نۇرسەرىك ءشارىپوۆ پەن قر جوعارعى سوتىنىڭ سۋدياسى ارىستانبەك ستىباەۆ ايتىپ ءوتتى.
ودان كەيىن دەلەگاتسيا رەسپۋبليكا سوتتارىنىڭ قىزمەتىن تالداۋمەن جانە مونيتورينگ جۇرگىزۋمەن اينالىساتىن جوعارعى سوتتىڭ احۋالدىق ورتالىعىنىڭ مۇمكىندىكتەرىمەن تانىس بولدى.
قوناقتاردى جاساندى ينتەللەكت ەلەمەنتتەرى بار IT-قىزمەتتەرى, سونداي-اق روبوتتىق پروتسەستەر ەرەكشە قىزىقتىردى.
ساپار بارىسىندا قوناقتار جوعارعى سوتقا جىلى جىلى شىرايلى قابىلداۋ ءۇشىن العىس ايتىپ, ىنتىماقتاستىقتى دامىتۋعا ەكى جاقتى نيەتتى ەكەنىن اتاپ ءوتتى.
ساپار بارىسىندا ازەربايجاندىق دەلەگاتسيا ەلوردالىق سوتتاردىڭ, احقو تورەلىك ورتالىعىنىڭ جانە جوعارى سوت كەڭەسىنىڭ جۇمىسىمەن دە تانىسۋدى جوسپارلادى.
