– داستۇرگە اينالعان تازالىق جۇمىسىن ساپالى ورىنداۋ ءۇشىن بارلىق قالا, اۋدانداردا بەلسەندىلىكتى ارتتىرۋ, ءتيىستى شارالار قابىلداۋ قاجەت. جاقسى قارقىنمەن باستالعان, ەرەكشە ناتيجە بەرگەن اكتسيانى ءبىر ءسات تە توقتاتپاۋىمىز كەرەك. قازىر وڭىردە تازالىق جۇمىسىن جۇرگىزۋگە اۋا رايى دا قولايلى بولىپ تۇر. بار مۇمكىندىكتى پايدالانا بىلەيىك, – دەگەن وبلىس باسشىسى اۋدان اكىمدەرىنە وڭىرلەردە اكتسياعا قاتىستى شارالاردى اياقسىتپاي, جۇيەلى جالعاستىرۋدى تاپسىردى.
اكتسياعا وراي وتكەن جىلى ارنايى جوسپار بەكىتىلىپ, اۋدان, قالا, اۋىلداردا ەلدى مەكەندەردى تازالاۋ, اباتتاندىرۋ جۇمىسى تۇراقتى جۇرگىزىلدى. 168 مىڭنان استام تۇرعىن قاتىسىپ, 1738 ارنايى تەحنيكا جۇمىلدىرىلعان سەنبىلىكتىڭ ناتيجەسىندە 27 462 توننا قوقىس شىعارىلىپ, 69 رۇقسات ەتىلمەگەن قوقىس ءۇيىندىسىنىڭ 61-ءى جويىلدى, تەڭىز ءتۇبىن تازارتۋ جۇمىستارى جۇرگىزىلدى.
– «تازا قالا» جوباسى اياسىندا اقتاۋ قالاسى ەلىمىزدە 6-ورىندى يەلەندى. قازىردە «مونو قالا» جوباسى باستاۋ الىپ, وعان وڭىردەن فورت-شەۆچەنكو, جاڭاوزەن قالالارى, بەينەۋ اۋدانى ەنگىزىلدى, – دەدى وبلىستىق تابيعي رەسۋرستار جانە تابيعاتتى پايدالانۋدى رەتتەۋ باسقارماسى باسشىسىنىڭ ورىنباسارى حايدار تولەۋىشوۆ.
اكتسيانى قارقىندى جۇرگىزۋمەن ۇزدىكتەر قاتارىنا ەنگەن اقتاۋدا كۇشەيتىلگەن سانيتارلىق تازالىق جۇمىسى ناتيجەسىندە 100 توننادان استام قوقىس شىعارىلدى. وبلىس ورتالىعىنداعى شاعىن اۋدانداردا سانيتارلىق جۇمىس جالعاسىن تاۋىپ, شاراعا كوممۋنالدىق سالا قىزمەتكەرلەرى مەن ارنايى تەحنيكا جۇمىلدىرىلدى.
– قالاداعى سانيتارلىق تازالىق, اباتتاندىرۋ, جاسىل جەلەكتەردى كۇتىپ ۇستاۋ, جارىق شامداردى جاڭارتۋ جۇمىستارى كۇشەيتىلگەن رەجىمدە جالعاسىپ جاتىر. جۇمىستىڭ ناتيجەسىندە 100 توننادان استام قوقىس شىعارىلدى. اباتتاندىرۋ جۇمىسى اياسىندا ب ۇلىنگەن جاياۋ جۇرگىنشى جولدارى (تروتۋارلار), ۆانداليزم سالدارىنان قيراعان ورىندىقتار, قوقىس جاشىكتەرى قالپىنا كەلتىرىلدى. سونداي-اق جۇمىسقا شاعىن اۋداندارداعى كوپپاتەرلى تۇرعىن ۇيلەرگە قىزمەت كورسەتۋشى مەكەمەلەر دە اتسالىسىپ جاتىر, – دەدى اقتاۋ قالالىق تۇرعىن-ءۇي كوممۋنالدىق شارۋاشىلىعى ءبولىمىنىڭ سەكتور مەڭگەرۋشىسى ايدار بيسەنوۆ.
«تازا قازاقستان» تۇجىرىمداماسىن ىسكە اسىرۋ جالعاسا بەرەدى, 2024–2029 جىلدارعا ارنالعان ارنايى ءىس-قيمىل جوسپارى ازىرلەنگەن.
ماڭعىستاۋ وبلىسى
