ءىىم ءباسپاسوز قىزمەتىنىڭ اقپاراتىنا سايكەس, بەينەتۇسىرىلىمدى ۋۇي-ءدىڭ بۇرىنعى قىزمەتكەرى قىزمەت مۇددەلەرىنە قايشى ارەكەت جاساپ, جۇرگىزگەنى انىقتالدى. ول بۇل ءۇشىن جەكە ۇيالى تەلەفونىن پايدالانعان. قىزمەتتىك ءتارتىپتى ورەسكەل بۇزعانى ءۇشىن ول ارنايى شەنىنەن ايىرىلىپ, تەرىس سەبەپتەرمەن جۇمىستان قۋىلدى.
سونىمەن قاتار اتالعان فاكتى بويىنشا قىلمىستىق ءىس قوزعالدى.
«قىزمەتتىك ءتارتىپتى ورەسكەل بۇزعانى جانە تيىسىنشە باقىلاۋ جۇرگىزبەگەنى ءۇشىن 16 باسشى مەن قىزمەتكەر لاۋازىمنان بوساتىلۋعا دەيىن قاتاڭ تارتىپتىك جازاعا تارتىلدى. ونىڭ ىشىندە ۋۇي باسشىسى دا لاۋازىمنان بوساتىلدى», دەلىنگەن حابارلامادا.
ءىىم مۇنداي بۇزۋشىلىقتارعا مۇلدەم توزبەۋشىلىك تانىتىپ, قاتاڭ توسقاۋىل قوياتىنىن اتاپ ءوتتى.
«ولار بۇكىل قۇقىق قورعاۋ جۇيەسىنىڭ بەدەلىنە نۇقسان كەلتىرىپ, ازاماتتاردىڭ قاۋىپسىزدىگىن قامتاماسىز ەتىپ, كۇندەلىكتى ءوز مىندەتتەرىن ادال ورىندايتىن قىزمەتكەرلەردىڭ اتىنا داق تۇسىرەدى», دەپ ءتۇسىندىردى ءىىم.
بولعان جاعدايعا بايلانىستى ۋۇي-دە رەجيمدى باقىلاۋ كۇشەيتىلدى: قوسىمشا بەينەمونيتورينگ شارالارى ەنگىزىلىپ, ۇقساس مەكەمەلەردە جوسپاردان تىس تەكسەرۋلەر باستالدى.
ايتا كەتەيىك, 16 اقپاندا الەۋمەتتىك جەلىدە ءجاسوسپىرىم شەرزات پولاتتىڭ ولىمىنە قاتىستى ءىس بويىنشا ۇستالعاندار ۋاقىتشا ۇستاۋ يزولياتورىندا تۋعان كۇن تويلاپ جاتقانى تۋرالى اقپارات تاراعان ەدى.
