دەپۋتاتتارعا مەملەكەت باسشىسىنىڭ اباي وبلىسىنىڭ اكىمى لاۋازىمىنا ەكى كانديداتتى – پرەزيدەنت كەڭەسشىسى – پرەزيدەنتتىڭ ءباسپاسوز حاتشىسى بەرىك ءۋالي مەن اباي وبلىسى كۋرچاتوۆ قالاسىنىڭ اكىمى بولات ابدىراليەۆتى ۇسىنۋ تۋرالى حاتى وقىلدى.
اشىق داۋىس بەرۋ قورىتىندىسى بويىنشا 126 دەپۋتاتتىڭ 102-ءسى بەرىك ءۋاليدىڭ كانديداتۋراسىنا داۋىس بەردى. بولات ابدىراليەۆتىڭ كانديداتۋراسىن 24 دەپۋتات جاقتادى. پرەزيدەنتتىڭ ءتيىستى جارلىعىمەن بەرىك ءۋالي اباي وبلىسىنىڭ اكىمى بولىپ تاعايىندالدى.
وبلىس اكتيۆىمەن كەزدەسۋدە پرەمەر-مينيستر ءوڭىردىڭ دامۋىنا قوسقان ۇلەسى ءۇشىن نۇرلان ۇرانحاەۆقا العىس ءبىلدىردى. ولجاس بەكتەنوۆ وبلىستىڭ جاڭا اكىمى بەرىك ءۋاليدى تانىستىردى. ءوڭىر باسشىلىعى الدىنا پرەزيدەنت ەكونوميكانى ارتاراپتاندىرۋعا جانە ينۆەستيتسيالىق احۋالدى جاقسارتۋعا باسا نازار اۋدارا وتىرىپ, ءوڭىردى الەۋمەتتىك-ەكونوميكالىق دامىتۋ جونىندە اۋقىمدى مىندەتتەر قويعانى اتاپ ءوتىلدى. الاكول كولىنىڭ, وڭىردەگى تاريحي جانە مادەني ورىنداردىڭ الەۋەتىن اشا وتىرىپ, تۋريزم سالاسىنا ەرەكشە كوڭىل ءبولۋ قاجەت.
اباي وبلىسى رەسەي جانە قىتايمەن شەكتەسەدى, حالىقارالىق ترانزيتتىك ساۋدا تورابى سانالادى, سوندىقتان قولدا بار ترانزيتتىك الەۋەتتى بارىنشا پايدالانۋ قاجەت. اياگوز-تاچەن باعىتىنداعى تەمىرجول جانە «باقتى» قۇرعاق پورتى قۇرىلىسى بويىنشا ماڭىزدى ينفراقۇرىلىمدىق جوبالاردى ىسكە اسىرۋ ماسەلەلەرىن باقىلاۋدا ۇستاۋ تاپسىرىلدى.
سونداي-اق ءوڭىر حالقىن ساپالى ءارى قولجەتىمدى ازىق-ت ۇلىكپەن قامتاماسىز ەتۋ ءۇشىن اۋىل شارۋاشىلىعى ونىمدەرىن قايتا وڭدەۋدى دامىتۋدىڭ ماڭىزدىلىعى اتاپ ءوتىلدى.
* * *
مەملەكەت باسشىسىنىڭ تاپسىرماسى بويىنشا پرەمەر-مينيستر ولجاس بەكتەنوۆ پەن پرەزيدەنت اكىمشىلىگىنىڭ باسشىسى ايبەك دادەباي شىعىس قازاقستان وبلىسى ءماسليحاتتارى دەپۋتاتتارىنىڭ جينالىسىنا قاتىستى.
جينالىس بارىسىندا دەپۋتاتتارعا مەملەكەت باسشىسىنىڭ شىعىس قازاقستان وبلىسىنىڭ اكىمى لاۋازىمىنا ەكى كانديدات – شقو اكىمىنىڭ ءبىرىنشى ورىنباسارى نۇرىمبەت ساقتاعانوۆ پەن شقو ۇلان اۋدانىنىڭ اكىمى ارمان بەكبوسىنوۆتى ۇسىنۋ تۋرالى حاتى وقىلدى.
اشىق داۋىس بەرۋ ناتيجەسى بويىنشا دەپۋتاتتار نۇرىمبەت ساقتاعانوۆتىڭ كانديداتۋراسىن قولدادى, وعان 148 دەپۋتاتتىڭ 104-ءى داۋىس بەردى, ارمان بەكبوسىنوۆتى 41 دەپۋتات جاقتادى.
مەملەكەت باسشىسى شىعىس قازاقستان وبلىسىنىڭ اكىمى نۇرىمبەت امان ۇلى ساقتاعانوۆتى تاعايىنداۋ تۋرالى جارلىققا قول قويدى.
وبلىس اكتيۆىمەن كەزدەسۋدە ولجاس بەكتەنوۆ ەرمەك كوشەرباەۆقا ناتيجەلى جۇمىسى مەن ءوڭىردىڭ دامۋىنا قوسقان ۇلەسى ءۇشىن العىس ءبىلدىردى. كەيىنگى جىلدارى شىعىس قازاقستان وبلىسىنا شامامەن 1,5 ترلن تەڭگە ينۆەستيتسيا تارتىلعانى اتاپ ءوتىلدى. بۇل جاڭا جۇمىس ورىندارىن اشۋعا, ەكونوميكالىق ءوسىمدى قامتاماسىز ەتۋگە مۇمكىندىك بەردى. وبلىستا ينفراقۇرىلىمدىق جانە الەۋمەتتىك جاڭا نىساندار ىسكە قوسىلدى.
جاڭا اكىمدى تانىستىرعان پرەمەر-مينيستر مەملەكەت باسشىسىنىڭ شىعىس قازاقستان وبلىسى باسشىلىعى الدىنا قويعان مىندەتتەرگە توقتالدى. ىسكە اسىرۋ حالىقتى جۇمىسپەن قامتاماسىز ەتىپ, ءوڭىر ەكونوميكاسىنىڭ دامۋىنا سەرپىن بەرەتىن پەرسپەكتيۆالى باعىتتار ايقىندالدى. باسىم جوبالار قاتارىنا شاعىن جانە ورتا بيزنەستى قولداۋ, اۋىل شارۋاشىلىعى ونىمدەرىن قايتا وڭدەۋ, تسيفرلىق شەشىمدەردى ەنگىزۋ جاتادى. حالىقتى ساپالى اۋىزسۋمەن قامتاماسىز ەتۋ, ينجەنەرلىك ينفراقۇرىلىمدى جاڭعىرتۋ جۇمىستارىن كۇشەيتۋدىڭ ماڭىزدىلىعى اتاپ ءوتىلدى.
تابيعي دەمالىس ايماقتارى مەن تاريحي-مادەني ورىنداردى دامىتۋ ارقىلى تۋريستىك الەۋەتتى اشۋعا ەرەكشە نازار اۋدارىلدى. بۇقتىرما سۋ قويماسى ارقىلى ەلىمىزدەگى ەڭ ءىرى كوپىردىڭ اشىلۋى, كاتونقاراعاي جانە زايسان كۋرورتتىق ايماقتارىندا اۋەجايلاردىڭ سالىنۋى سالا مەن جالپى ەكونوميكانىڭ دامۋىنا قوسىمشا سەرپىن بەرەدى.
باسىم مىندەتتەر قاتارىندا ارنايى ەكونوميكالىق جانە يندۋستريالىق ايماقتاردى ينجەنەرلىك ينفراقۇرىلىممەن قامتاماسىز ەتە وتىرىپ, ينۆەستورلار ءۇشىن قولايلى جاعداي جاساۋ, ونەركاسىپتە زاماناۋي تەحنولوگيالار مەن يننوۆاتسيالىق تاسىلدەر قولدانۋ جانە باسقا دا ماسەلەلەر بەلگىلەنگەن.
