اتىراۋ وبلىسىنىڭ ولكەتانۋشىلارى قۇراستىرعان ۇجىمدىق ەڭبەككە قۇرمانعازى اۋدانىنىڭ تامىرلى تاريحى, توپىراعىنان تۇلەگەن تۇلعالارىنىڭ عيبراتتى عۇمىرى, كونە ەسكەرتكىشتەرىنىڭ بەدەرلى بەينەسى تۋرالى جازىلعان زەرتتەۋ ماقالالار جيناقتالعان.
ارداگەر جازۋشى ومىرزاق قاجىمعالي ۇلى كىتاپتىڭ وسكەلەڭ ۇرپاقتى ەلجاندىلىققا, تۋعان حالقىنىڭ ءداستۇرىن, ونەرىن تانىپ-بىلۋگە تاربيەلەيتىنىن اتاپ ءوتتى.
اقىن, اباي اتىنداعى مەملەكەتتىك سىيلىقتىڭ يەگەرى عالىم جايلىباي اتىراۋ ايماعىنىڭ قازاق تاريحىنىڭ قالىپتاسۋىنداعى ايشىقتى ورنىن, ءمان مەن ماڭىزىن تارقاتىپ ايتتى.
«ولكەنىڭ وزەن-كولى جىر بولىپ اعىلىپ, قيا تاسى كۇي بولىپ كۇمبىرلەپ تۇرعان قۇرمانعازىنىڭ اتىن العان اۋدان ەلىمىز ءۇشىن اياۋلى دا قادىرلى مەكەن. وسىنداي ونەگەلى ولكەنىڭ وتكەنىنە شىراق جاعار بۇگىنگى باسقوسۋ باياندى بولعاي», دەدى عالىم جايلىباي.
