فوتو: مادەنيەت جانە اقپارات مينيسترلىگى
كونفەرەنتسياعا يسلام ىنتىماقتاستىق ۇيىمىنا مۇشە 50-گە جۋىق مەملەكەت قاتىستى. ولاردىڭ اراسىندا يسلام الەمىنىڭ مادەني مۇرا كوميتەتىنىڭ مۇشەسى – قازاقستان دا بار. ەل اتىنان بۇل جيىنعا مادەنيەت جانە اقپارات ۆيتسە-ءمينيسترى ەۆگەني كوچەتوۆ باردى.
حالىقارالىق كەزدەسۋدىڭ باستى ماقساتى – وركەنيەتتەر, مادەنيەتتەر مەن دىندەر اراسىندا ديالوگ ورناتۋ, يسلام مادەنيەتى تۋرالى وبەكتيۆتى كوزقاراس قالىپتاستىرۋ, سونداي-اق ادىلەتتىلىك, بەيبىتشىلىك, بوستاندىق جانە ادام قۇقىقتارى قۇندىلىقتارىن ناسيحاتتاۋ.
دەلەگاتسيا باسشىلارى كونفەرەنتسيانىڭ جۇمىس وتىرىسىندا ءسوز سويلەپ, وسى ماقساتتارعا جەتۋگە باعىتتالعان باستامالار مەن مەحانيزمدەردى ۇسىندى.
اتالعان ءىس-شاراعا ICESCO يسلام ىنتىماقتاستىق ۇيىمىنا مۇشە 57 ەلدىڭ 54-ءى كەلگەن. مادەنيەت مينيسترلەرى كونفەرەنتسياسىنىڭ باستى ماسەلەسى – يسلام الەمىنىڭ مادەني استاناسىن انىقتاۋ. 2025 جىلى بۇل مارتەبەلى اتاق وزبەكستاننىڭ سامارقان قالاسىنا بەرىلدى. 13-ءشى كونفەرەنتسيادا يسلام الەمىنىڭ 2026 جىلعى مادەني استاناسى جاريالاناتىن بولادى.
