بولاشاق ماماندىقتارى
«جۇمىسشى ماماندىقتارى قالاسى» فەستيۆالى جاستار ءۇشىن ماڭىزدى وقيعاعا اينالعان. ويتكەنى فەستيۆال ەكونوميكانىڭ ءتۇرلى سالالارىندا سۇرانىسقا يە ماماندىقتارمەن تانىسۋعا مۇمكىندىك بەرەدى. «KEGOC» اق ستەندىندە كەلۋشىلەر كومپانيانىڭ قىزمەتىمەن كەڭىرەك تانىستى, سونىمەن قاتار ەنەرگەتيكاداعى زاماناۋي تەحنولوگيالار كورسەتىلىمىن كورىپ, سالاداعى مانساپتىق ءوسۋ جانە كاسىبي مۇمكىندىكتەر تۋرالى اقپارات الدى.
كومپانيا ماماندارى «KEGOC» اق قىزمەتىنىڭ نەگىزگى اسپەكتىلەرى جانە ەلىمىزدى ۇزدىكسىز ەنەرگيامەن قامتاماسىز ەتۋگە قولداناتىن يننوۆاتسيالىق شەشىمدەر تۋرالى اڭگىمەلەپ بەردى. سونىمەن قاتار ەنەرگەتيكالىق ينفراقۇرىلىمدى دامىتۋ كەلەشەگىنە, سونداي-اق بۇل ماڭىزدى ەكونوميكالىق سالاعا جاس مامانداردى تارتۋ كەرەك ەكەنىنە باسا نازار اۋداردى.
«KEGOC ۇنەمى كوماندانى دامىتىپ, ەنەرگەتيكا سالاسىنداعى قاۋىپسىزدىك پەن تيىمدىلىكتىڭ جوعارى ستاندارتتارىن ساقتاۋ بويىنشا بەلسەندى تۇردە جۇمىس جۇرگىزىپ كەلەدى. كومپانيانىڭ تابىستى جۇمىسى مەن قازاقستان ەنەرگەتيكالىق جۇيەسىنىڭ ءتيىمدى قىزمەت ەتۋى ءۇشىن تالانتتى ءارى بىلىكتى ماماندار قاجەت. بۇل فەستيۆال – جاستاردى ەنەرگەتيكا سالاسىنداعى جۇمىس مۇمكىندىكتەرىمەن تانىستىرۋعا جانە ولار ەلدىڭ بولاشاعى ءۇشىن ماڭىزدى كاسىپتى تاڭداۋىنا سەپتەسەتىن تاماشا مۇمكىندىك», دەدى «KEGOC» اق باسقارما توراعاسى ءنابي ايتجانوۆ.
ينتەراكتيۆتى ءىس-شارا جانە شەبەرلىك ءدارىسى
كومپانيا ستەندىندە ەنەرگەتيكتەردىڭ جۇمىس ەرەكشەلىكتەرى تۋرالى شەبەرلىك دارىستەرى ءوتتى. قاتىسۋشىلار ەنەرگەتيكالىق جۇيەلەرمەن بايلانىستى ماماندىقتارمەن تانىسىپ, ەنەرگەتيكا سالاسىنداعى مانساپتىق وسۋگە دايىندىق بويىنشا كەڭەس الدى. ارنايى ينتەراكتيۆتى سەسسيالار قاتىسۋشىلارعا ەنەرگەتيك مامانداردىڭ ناقتى جۇمىسىن بەينەلەيتىن رولدىك ويىندار مەن سيمۋلياتسيالارعا قاتىسۋعا مۇمكىندىك بەردى. سونىمەن قاتار كەلۋشىلەر ۆيكتوريناعا قاتىسۋ ارقىلى ەنەرگەتيكتەردىڭ جۇمىسى تۋرالى جاڭا ۇيرەنگەن بىلىمدەرىن بەكىتە الدى.
ءبىلىم بەرۋشى مەن جۇمىس بەرۋشى ىنتىماعى
«KEGOC» اق ەلدەگى ءبىلىم بەرۋ مەكەمەلەرىمەن تىعىز ىنتىماقتاستىق ورناتىپ, بىلىكتىلىكتى ارتتىرۋ باعدارلامالارى مەن تالىمگەرلىك جۇيەلەرىن دامىتادى. فەستيۆال اياسىندا كومپانيا ەنەرگەتيكا سالاسى بويىنشا كادرلاردى دايارلاۋ, زاماناۋي ءبىلىم بەرۋ باعدارلامالارىن ەنگىزۋ جانە ستۋدەنتتەرگە ارنالعان تاعىلىمدامالاردى ۇيىمداستىرۋ بويىنشا بىرقاتار ۋنيۆەرسيتەت جانە كوللەدجدەرمەن بىرلەسكەن جوبالارىن جاريالادى.
«جۇمىسشى ماماندىقتارى قالاسى» فەستيۆالى ەنەرگەتيكا سالاسىنداعى ماماندىقتاردىڭ ماڭىزدىلىعىن جانە بيزنەس پەن ءبىلىم بەرۋ مەكەمەلەرى اراسىنداعى ءوزارا ىنتىماقتاستىقتى كورسەتۋ ارقىلى زاماناۋي ەكونوميكا تالاپتارىنا ساي جۇمىس ىستەي الاتىن بولاشاق كاسىبي مامانداردى دايارلاۋعا ىقپال ەتەتىن ماڭىزدى الاڭعا اينالدى.
«ەلەكتريك ۇيىندە» ەلەكتر جۇيەسىنىڭ ۇزدىكسىز جۇمىسىن قامتاماسىز ەتۋ ءۇشىن جۇمىسشىنىڭ كۇندەلىكتى قولداناتىن قۇرال-جابدىعى ورناتىلعان. مەكتەپ وقۋشىلارى ارنايى قۇرىلعىنىڭ كومەگىمەن 3-4 مەتر بيىككە كوتەرىلىپ, جوندەۋ جۇمىسى ءجۇرىپ جاتقان ەلەكتر جەلىسىنىڭ تىرەگىن كورە الادى.
«ينتەراكتيۆتى ءىس-شارادا ەلدىڭ ەنەرگەتيكالىق جۇيەسى باقىلاناتىن ۇلتتىق ديسپەتچەرلىك ورتالىقتان تىكەلەي ەفيردە رەپورتاج جۇرگىزەمىز. ستۋدەنتتەرگە سۇراق قويۋعا, ۆيكتوريناعا قاتىسۋعا جانە جۇلدە ۇتىپ الۋعا مۇمكىندىك بولادى», دەدى ستراتەگيا جانە تۇراقتى دامۋ جونىندەگى باسقارۋشى ديرەكتور ەلۆيرا قوناقباەۆا.
ستەندتە 500 كۆ جوعارى كەرنەۋلى اۋە ەلەكتر جەتكىزۋ جەلىسىنىڭ ماكەتى جاسالعان. بۇل جەلىلەر رەسپۋبليكا بويىنشا ەلەكتر ەنەرگياسىن جەتكىزۋگە قولدانىلادى. قازىر «KEGOC» 28 000 كم جۋىق 398 اۋە جەلىسىن باسقارادى. ول بۇكىل ەلدى ەلەكترمەن جابدىقتاۋدى قامتاماسىز ەتەتىن باستى ينفراقۇرىلىم. مۇندا ءتۇرلى اسپالى يزولياتورلار, ەلەگازدى اجىراتقىشتار, ەلەگازدى قۇيۋ مەن شىعارۋ قۇرىلعىسى, ەلەكتر جەلىسىن قاۋىپسىز باسقارۋعا ارنالعان اجىراتقىش بار. جەلى قاۋىپسىزدىگىن تەكسەرۋ ءۇشىن FLIR T640 ۆيدەوكامەرا مەن لازەرلىك ولشەۋىش قولدانىلادى. ولار جەلى جۇمىسىن توقتاتپاي-اق اقاۋدى انىقتاۋعا مۇمكىندىك بەرەدى. MAVIC 3 PRO كۆادروكوپتەرى جوعارى ۆولتتى جەلىنى, اسىرەسە قيىن جەتەتىن ايماقتى تەكسەرۋدى جەڭىلدەتەدى.
«ەلەكتريك ۇيىندە», PTS 400.3 اۆتوماتتاندىرىلعان كاليبرلەۋ قۇرىلعىسى مەن Siemens كومپانياسىنىڭ ساندىق جۇيەسىمەن جابدىقتالعان رەلەلىك قورعاۋ شكافتارى تۇر. ولار ەلەكتر جەلىسىنىڭ قاۋىپسىزدىگى مەن اۆتوماتتاندىرۋ دەڭگەيىن ارتتىرادى», دەدى پايدالانۋ جانە كۇردەلى قۇرىلىس جونىندەگى باسقارۋشى ديرەكتور ەرماحانبەت اتاقۇلوۆ.
كومپانيادا ءوندىرىس قىزمەتكەرىنىڭ ورتا ايلىق جالاقىسى 674,9 مىڭ تەڭگەنى, جۇمىس مامانداردىڭ ورتا ايلىق جالاقىسى – 525,9 مىڭ تەڭگەنى قۇرايدى. «KEGOC» قىزمەتكەرلەردىڭ ءال-اۋقاتىن جاقسارتۋ بويىنشا شارالاردى ءتيىمدى جۇزەگە اسىرۋدا, الەۋمەتتىك تۇراقتىلىق رەيتينگى 87% قۇرايدى, بۇل – «سامۇرىق-قازىنا» كومپانيالارى توبىنداعى ەڭ جوعارى كورسەتكىش.
