ءىس-شاراعا سىبايلاس جەمقورلىققا قارسى قىزمەت دەپارتامەنتىءنىڭ جانە اباي وبلىسى اكىمدىگىنىڭ باسشىلىعى, كوللەدج ستۋدەنتتەرى, سونداي-اق جەمقورلىققا قارسى ەرىكتىلەر قاتىستى.
سپيكەرلەر سىبايلاس جەمقورلىققا قارسى ءىس-قيمىل جانە ءادىل قوعامدى قالىپتاستىرۋ ىسىندەگى جاستاردىڭ ءرولى تۋرالى ەگجەي-تەگجەيلى ءتۇسىندىردى, سونداي-اق سىبايلاس جەمقورلىققا قارسى كۇرەستىڭ ءتيىمدى ادىستەرىمەن ءبولىستى.
سونىمەن قاتار, ءىس-شارادا سۇراق-جاۋاپ سەسسياسى, سونداي-اق ستۋدەنتتەر ءوز يدەيالارىن ۇسىنعان اشىق پىكىرتالاس ۇيىمداستىرىلدى.مەملەكەتتىك ورگانداردىڭ وكىلدەرى «زاڭ مەن ءتارتىپ» قاعيداتىن ساقتاۋدىڭ ماڭىزدىلىعىن اتاپ ءوتتى, ال سىبايلاس جەمقورلىققا قارسى ۆولونتەرلەر تابىستى باستامالار مەن قول جەتكىزىلگەن ناتيجەلەردىڭ مىسالدارىن كەلتىرە وتىرىپ, جەمقورلىققا قارسى ۆولونتەرلىكتىڭ ءرولى تۋرالى باياندادى. كوللەدج ستۋدەنتتەرى جاستاردىڭ قۇقىقتىق تارتىپكە نەگىزدەلگەن قوعام قۇرۋعا قالاي ۇلەس قوسا الاتىنى تۋرالى ءوز پىكىرلەرىمەن ءبولىستى.
كەزدەسۋ جاستاردىڭ سىبايلاس جەمقورلىققا قارسى مادەنيەتى مەن ازاماتتىق جاۋاپكەرشىلىگىن قالىپتاستىرۋداعى ماڭىزدى قادام بولدى. «زاڭ مەن ءتارتىپ جەمقورلىققا قارسى» اتتى TEDx اشىق ديالوگ پەن جاستاردى تارتۋ ءادىل قوعام قۇرۋدا قۋاتتى قۇرال بولا الاتىنىن كورسەتتى.
