ايتا كەتۋ كەرەك, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ بۇيرىعىنا سايكەس, بيىلعى جىلدىڭ 24 ناۋرىزىنان باستاپ قازاقستاندا ۇيالى بايلانىستىڭ ابونەنتتىك قۇرىلعىلارىن تىركەۋگە ارنالعان «اق, سۇر جانە قارا تىزىمدەر» ەنگىزىلەدى.
مەملەكەتتىك راديوجيىلىك قىزمەتىنىڭ وكىلى ساۋلە تەمىرحان تۇسىندىرگەندەي, پايدالانۋشىلار ارنايى قىزمەت ارقىلى قۇرىلعىسىنىڭ كۇيىن الدىن الا تەكسەرە الادى.
«ەگەر ءسىز قازاقستاندا تەلەفون ساتىپ العان بولساڭىز جانە ول قارا تىزىمگە ەنگەن بولسا, وندا, وكىنىشكە وراي, قۇرىلعى بۇعاتتالادى. 24 ناۋرىزدان باستاپ ءموبيلدى قۇرىلعىنى الدىن الا راستاۋ قىزمەتى بارلىق ازاماتتار ءۇشىن قولجەتىمدى بولادى. قۇرىلعىنى ساتىپ الماس بۇرىن وسى قۇرىلعىنىڭ IMEI كودىن ەنگىزىپ, تەكسەرۋ قاجەت», دەيدى ول.
ساۋلە تەمىرحان قازاقستاندىقتارعا تىركەۋ كەزىندە تۋىنداۋى مۇمكىن پروبلەمالاردى بولدىرماۋ ءۇشىن قۇرىلعىلاردى ساتىپ الار الدىندا مۇقيات تەكسەرۋدى ۇسىندى.
«اق تىزىمدەگى» سمارتفوندار - زاڭدى ساتىلعان تەحنيكا. ەگەر ساتىپ الۋدىڭ زاڭدىلىعىنا كۇمان تۋىنداسا, مىسالى, IMEI كودى قايتالانسا, قۇرىلعى ۋاقىتشا «سۇر تىزىمگە» ەنەدى, سمارتفون يەسىنە ماسەلەنى 30 كۇن ىشىندە شەشۋگە مۇمكىندىك بەرىلەدى.
سمارتفونىن «اق تىزىمگە» اۋدارۋ ءۇشىن قۇرىلعىنى زاڭدى ساتىپ العانىن دالەلدەۋ كەرەك.
ەگەر تەلەفون جالعان نەمەسە ۇرلانعان بولسا, ول «قارا تىزىمگە» ەنەدى جانە ابونەنتتىڭ ۇيالى تەلەفونى جۇمىس ىستەمەيتىن بولادى.
