شىعىس قازاقستاننىڭ ۇلان اۋدانىندا جۇمىس ورىندارى ساقتالادى

وسكەمەن. 6 اقپان. شىعىس قازاقستان وبلىسىنىڭ ۇلان اۋدانىندا جۇمىس ورىندارىن ساقتاۋ تۋرالى 18 مەموراندۋمعا قول قويىلدى. بۇل تۋرالى egemen.kz ءتىلشىسى حابارلادى. جۇمىس ورىندارىن ساقتاۋ جانە جەرگىلىكتى تۇرعىنداردىڭ ءال-اۋقاتىن كوتەرۋ – شىعىس قازاقستان وبلىسىنداعى قالالار مەن اۋداندار اكىمدىكتەرىنىڭ نەگىزگى مىندەتى. مەملەكەت باسشىسىنىڭ تاپسىرماسىن ورىنداۋ ماقساتىندا وبلىس اكىمى دانيال احمەتوۆ جەرگىلىكتى اتقارۋ ورگاندارىنا وسىنداي تاپسىرما جۇكتەدى. وڭىردەگى الەۋمەتتىك ماسەلەگە العاشقىلاردىڭ ءبىرى بولىپ ۇلان اۋدانىنىڭ اكىمدىگى دەن قويدى. اۋدان اكىمدىگىنىڭ حابارلاۋىنشا, وندىرىستىك ۇدەرىستەردى تۇراقتاندىرۋ, ەڭبەك قۇقىعىن قامتاماسىز ەتۋ جانە جۇمىس ورنىن ساقتاۋعا كەپىلدىك بەرۋگە ەرەكشە كوڭىل اۋدارىلۋدا. ۇلان اۋدانى وبلىستى اۋىل شارۋاشىلىعى ونىمدەرىمەن قامتاماسىز ەتەتىن ازىق-ت ۇلىك بەلدەۋىنە جاتاتىن ءوڭىر. سوندىقتان, بۇگىندە اۋدانداعى كاسىپورىندارمەن جۇمىس ورىندارىن ساقتاۋ, جۇمىسشىلاردىڭ ەڭبەك قۇقىعىن قورعاۋ ماسەلەلەرى بويىنشا جۇيەلى جۇمىس اتقارىلۋدا. اتاپ ايتقاندا, ۇلان اۋدانى اكىمدىگى مەن 18 كاسىپورىن جەتەكشىلەرى اراسىندا بيزنەستىڭ الەۋمەتتىك جاۋاپكەرشىلىگى, ءونىم كولەمىن ۇلعايتۋ, جۇمىس ورىندارىن ساقتاۋ تۋرالى مەموراندۋمدارعا قول قويىلدى. بۇل – قانداي جاعداي بولعاندا دا كاسىپكەرلەردىڭ ءوز قىزمەتكەرلەرىن جۇمىسسىز قالدىرماۋدىڭ الدىن الماق. دۋمان اناش. دەرەك: egemen.kz. سۋرەت: ۇلان اۋدانى اكىمدىگى.