- يسپانيانىڭ لا-نۋسيا قالاسىندا وتكەن حالىقارالىق تۋرنيردە ەلىمىزدىڭ بوكسشىلارى 6 التىن, 5 كۇمىس, 7 قولا مەدالدى ولجالادى. نۇرزات وڭعاروۆ (48 كگ), باعلان كەنجەبەك (54 كگ), ەرحان تۇردان (57 كگ), بەيبارىس جەكسەن (60 كگ), المات ءابدۋالي (63,5 كگ), دارحان دۇيسەباي (71 كگ) تەڭدەسسىز دەپ تانىلسا, ەرنار قاراپ (48 كگ), اقتىلەك ورىنباسار (54 كگ), جاندوس قىدىراليەۆ (63,5 كگ), روكسانا گاسىموۆا (48 كگ), باقىت سەيدىش (70 كگ) فينالدا ۇتىلدى. جاسۇلان تىلەۋمبەك (57 كگ), دۋلات بەكباۋوۆ (67 كگ), ەلنۇر ءسۇيىنباي (71 كگ), دياس مولجىگىتوۆ (75 كگ), داۋلەت تولەمىسوۆ (80 كگ), دانيال ساپارباي (+92 كگ), ديانا ماگاۋياەۆا (75 كگ) قولا مەدالعا قول جەتكىزدى. جالپىكوماندالىق ەسەپتە جەرلەستەرىمىز ءبىرىنشى ورىندى يەلەندى.
- فۋتبولدان البانيا مەن سەربيادا جالاۋى جەلبىرەيتىن «ەۋرو-2027» دوداسىنىڭ ىرىكتەۋ ءتۋرنيرىنىڭ كەستەسى جاريالاندى. D توبىندا ونەر كورسەتەتىن ەلىمىزدىڭ جاستار قۇراماسى اتالعان جارىستىڭ نەگىزگى كەزەڭىنە جولداما الۋ ءۇشىن مىنا كوماندالارمەن كۇش سىناسادى: قازاقستان – اندوررا (5 شىلدە, 2025 جىل), قازاقستان –انگليا (8 قىركۇيەك, 2025), اندوررا – قازاقستان (9 قازان, 2025), سلوۆاكيا – قازاقستان (13 قاراشا, 2025), قازاقستان – مولدوۆا (17 قاراشا, 2025), قازاقستان – سلوۆاكيا (27 ناۋرىز, 2026), قازاقستان – يرلانديا (31 ناۋرىز, 2026), انگليا – قازاقستان (25 قىركۇيەك, 2026), يرلانديا – قازاقستان (29 قىركۇيەك, 2026), مولدوۆا – قازاقستان (6 قازان, 2025).
- ەلىمىزدىڭ كاسىپقوي بوكسشى انگەلينا لۋكاس سەگىز كۇن ىشىندە ەكى رەت رينگكە كوتەرىلدى. 31 قانتاردا رەسەي استاناسىندا نيگەريالىق ايسات ءوريوميدى ۇتسا, وتكەن اپتانىڭ اياعىندا تۇركيادا ۆەنەسۋەلالىق دجوانا زۋنيگادان باسىم ءتۇستى.
- 28 اقپان – 2 ناۋرىز ارالىعىندا دزيۋدودان تاشكەنتتە گراند-سلەم ءتۋرنيرىنىڭ جالاۋى جەلبىرەيدى. وزبەكستاننىڭ باس شاھارىندا عاليا تىنباەۆا, ديانا بۋركەەۆا (48 كگ), باقىت قۇساقباەۆا (57 كگ), ارۋنا جانكەلدينا (78 كگ), نازگۇل ماراتوۆا (+78 كگ), ەسەت قۋانوۆ, باقىتجان ابدۋراحمانوۆ (73 كگ), ايدار اراپوۆ (90 كگ), بەيبىت مادەەۆ (100 كگ) تاتاميگە شىعادى.
- 8-16 ناۋرىز ارالىعىندا سەربيانىڭ نيش قالاسىندا بوكستان ايەلدەر اراسىندا وتەتىن الەم چەمپيوناتىنىڭ جۇلدە قورى بەلگىلەندى. حالىقارالىق بوكس فەدەراتسياسى (IBA) باس جۇلدەنى ولجالاعان بىلعارى قولعاپ شەبەرىنە 100 مىڭ اقش دوللارىن تابىس ەتسە, سول سومانىڭ تەڭ جارتىسىن فيناليستەر الادى. قولا مەدالدى يەلەنگەندەر 25 مىڭ ەنشىلەيدى. شيرەك فينالعا شىققاندار 10 مىڭ دوللاردى قالتاعا باسادى.
- فريستايل-موگۋلدان اقش-تىڭ دير-ۆەلليدەسىندە ۇيىمداستىرىلعان الەم كۋبوگىنىڭ كەزەڭىندە پاۆەل كولماكوۆ كۇمىس مەدالدى يەلەندى. ول تەك جاپونيالىق يكۋما حوريشيمادان قالىپ قويدى. فرانتسيالىق بەندجامين كاۆە ءۇشىنشى ساتىعا تابان تىرەدى. پاراللەلدى موگۋلدان وتكەن باسەكەدە پ.كولماكوۆ قولاعا قول جەتكىزدى. بۇل جولى دا حوريشيماعا تەڭ كەلەر ەشكىم تابىلمادى. ەكىنشى ورىندى كانادالىق ميكاەل كينگسبەري يەلەندى.
