فوتو: instagram.com/kairat4
جاس فۋتبولشى كامەلەتتىك جاسقا تولعان سوڭ, 2026 جىلدىڭ جازىندا رەسمي تۇردە اعىلشىن كلۋبىنا اۋىسادى. وعان دەيىن داستان ساتباەۆ «قايرات» ساپىندا ونەر كورسەتە بەرەدى.
داستان الماتى قالاسىندا دۇنيەگە كەلگەن, سەگىز جاسىندا «قايرات» اكادەمياسىنا ءتۇسىپ, وقۋدىڭ بارلىق ساتىسىنان وتكەن. العاشقى كۇننەن باستاپ ەڭبەكقورلىعىمەن, تارتىبىمەن, كەمەلدىككە ۇمتىلۋىمەن كوزگە تۇسكەن.
«قايرات» فۋتبول كلۋبىنىڭ مالىمەتى بويىنشا, داستان ساتباەۆ QJ ليگاسىندا ەكى ماۋسىمدا 28 ماتچ وتكىزىپ, 26 گول سوعىپ, 10 ناتيجەلى پاس بەرگەن. ول 2024 جىلعى ماۋسىمداعى QJ ليگاسىنىڭ ەڭ ۇزدىك ويىنشىسى اتاندى.
«داستاندى مانسابىنداعى ەڭ ماڭىزدى قادامىمەن قۇتتىقتايمىز! ءبىز ونىڭ جەتىستىكتەرىن ماقتان تۇتامىز جانە ونى الدا جاڭا بيىكتەر كۇتىپ تۇرعانىنا سەنىمدىمىز!», دەدى «قايرات» فۋتبول كلۋبىنىڭ ءباسپاسوز قىزمەتى.
