جۇرگىزۋشى كۋالىگىنەن ايىرىلدى

قاراعاندى وبلىسىنىڭ شەت اۋ­داندىق پروكۋرورىنىڭ نارازى­لىعى بويىنشا كولىكتى ماس كۇيىندە ءجۇر­گىزگەن پوليتسيا قىزمەتكەرى 2 جىلعا جۇرگىزۋشى كۋالىگىنەن ايى­رىلدى. بۇل تۋرالى شەت اۋدانى­نىڭ پروكۋرورى اماناي ىسقاقوۆ حابارلادى.بۇل ءىس وتكەن جىلدىڭ جەلتوقسان ايىنان بەرى سوزىلىپ كەلەدى, دەپ اتاپ ءوتتى اۋدان پروكۋرورى. “2009 جىلدىڭ 5 جەلتوقسانىندا جول پات­رۋلى كولىكتى ماس كۇيىندە جۇرگىزىپ كەلە جاتقان قاراعاندى قالالىق ءىىب كيروۆ ءبولىمىنىڭ قىزمەتكەرىن ۇستاعان ەدى. اتالمىش فاكت بوي­ىنشا حاتتاما تولتىرىلدى. قۇقىق بۇزۋشىنىڭ ءىسى قاراۋ ءۇشىن ونىڭ تۇرعىلىقتى جەرى بويىنشا شەت اۋدانىنىڭ №2 اۋداندىق سوتىنا جىبەرىلىپ,  ول جاقتان ءىس اۋداندىق سوتتىڭ شەشىمىمەن وبلىستىق ءىىد تولىقتىرىلىپ تولتىرىلۋى ءۇشىن جىبەرىلدى”, – دەدى ا.ىسقاقوۆ. 2010 جىلدىڭ ناۋرىزىندا ءىس سوت­قا قايتىپ كەلەدى. بىراق سوت وقي­عا مەرزىمىنىڭ ءوتىپ كەتۋىنە سىلتەمە جا­ساپ, ءىستى توقتاتىپ, قۇقىق بۇزۋ­شىنى بوساتىپ جىبەرگەن. شەت اۋدانىنىڭ پروكۋراتۋراسى بۇل قاۋلىنى زاڭسىز دەپ تانىپ, نارازىلىق بىلدىرەدى. “قر اقبك 69-بابىنا سايكەس قۇقىق بۇزۋشىنى اكىمشىلىك جاۋاپ­كەرشىلىككە تارتۋ مەرزىمى وتكەن جوق, ونىڭ ءىسىن توقتاتۋ نەگىزسىز. سونداي-اق, اۋداندىق سوت جۇرگىزۋشى كۋالىگى تىركەلىپ تۇرعانىنا قاراماس­تان, قۇقىق بۇزۋشىنىڭ جەكە تۇلعاسىن راستايتىن جەكە كۋالىگى جوق دەگەن سىلتاۋمەن اكىمشىلىك ءىستى پوليتسياعا قايتارىپ جىبەرەدى”, – دەپ ءتۇسىندىردى اۋدان پروكۋرورى. قاراعاندى وبلىستىق سوتىنىڭ اپەللياتسيالىق توبى اۋداندىق پرو­كۋروردىڭ نارازىلىعىن قاناعات­تان­دىرىپ, جاڭا وكىم شىعاردى. ءسويتىپ, پوليتسيا قىزمەتكەرى قۇقىق بۇزعانى ءۇشىن ايىپتى دەپ تانىلىپ, ەكى جىلعا دەيىن جۇرگىزۋشى كۋالى­گى­نەن ايرىلۋ جازاسىنا كەسىلىپ وتىر. دانيەل شايىنعازين.