فوتو: مادەنيەت جانە اقپارات مينيسترلىگى
ۇلتتىق مۋزەيدە وتكەن جيىنعا قوردىڭ پرەزيدەنتى اقتوتى رايىمقۇلوۆا, تۇركى مەملەكەتتەرى ۇيىمىنىڭ باس حاتشىسى كۋبانىچبەك ومۋراليەۆ, سونداي-اق ۇيىمعا مۇشە ەلدەردىڭ مادەنيەت مينيسترلەرى قاتىستى.
ايدا بالاەۆا تۇركى مادەنيەتى مەن مۇراسى قورى اسا قۇندى مادەني جانە تاريحي ەسكەرتكىشتەردى ساقتاۋدىڭ ماڭىزدى ميسسياسىن اتقارىپ كەلە جاتقانىن اتاپ ءوتتى.
«بۇگىندە ءبىزدىڭ ەلدەر ءۇشىن تاريحي-مادەني مۇرانى ساقتاۋ ماسەلەسى وزەكتى. ەجەلگى ەسكەرتكىشتەر مەن ارتەفاكتىلەردىڭ جاعدايىنا ۋاقىت, كليماتتىڭ وزگەرۋى جانە وكىنىشكە قاراي انتروپوگەندىك فاكتور اسەر ەتۋدە. سوندىقتان قازىر مۇنداي نىسانداردى كونسەرۆاتسيالاۋ جانە رەستاۆراتسيالاۋ سالاسىنداعى بىلىكتى ماماندارعا قاجەتتىلىك وسۋدە», دەدى مينيستر.
سونداي-اق, ايدا بالاەۆا تۇركىستان قالاسىندا رەستاۆراتورلاردى وقىتۋ جوباسىن ىسكە اسىرۋدى ۇسىندى. سەمينار ءارتۇرلى ەلدەر رەستاۆراتورلارىنىڭ تاجىريبە الماسۋىنا جانە بىرلەسكەن جوبالاردى ىسكە اسىرۋعا ىقپال ەتەدى.
بۇدان بولەك, تۇركى وركەنيەتى دامۋىنىڭ ءتۇرلى تاريحي كەزەڭدەرىن قايتا جاڭعىرتۋ ماقساتىندا بيىل «بوتاي جانە تۇران – تۇركى الەمىنىڭ نەگىزدەرى» تاقىرىبىندا سەمينار-تيمبيلدينگ ۇيىمداستىرىلاتىنىن ايتتى.
جيىندا اقتوتى رايىمقۇلوۆا قوردىڭ 2024 جىلى اتقارعان قىزمەتى تۋرالى باياندادى. سونداي-اق, 2025-2026 جىلدارعا ارنالعان ءىس-قيمىل جوسپارى قاراستىرىلدى. ءىس-شارا تۇركى ەلدەرىنىڭ مادەني ىنتىماقتاستىعىن دامىتۋداعى ماڭىزدى قادام بولدى. اتالعان كەزدەسۋ مادەني مۇرانى ساقتاۋ سالاسىنداعى ءوزارا بايلانىستى نىعايتىپ, حالىقارالىق جوبالارعا جاڭا سەرپىن بەردى.
سونىمەن قاتار, كەڭەس وتىرىسى اياسىندا قر ۇلتتىق مۋزەيىندە قر مام قولداۋىمەن ء«تىل – ىزگىلىكتىڭ باستاۋى: ديۋان لۋعات ءات-تۇرك» اتتى حالىقارالىق كورمەنىڭ سالتاناتتى اشىلۋ ءراسىمى ءوتتى. «ديۋان لۋعات ءات-تۇرك» ەنتسيكلوپەديالىق سوزدىگىنىڭ 950 جىلدىعىنا وراي اشىلعان كورمە تۇركىلەردىڭ وركەنيەت قۇرۋشى قىرىنا باسا نازار اۋدارا وتىرىپ, بۇگىنگە جەتكەن بىرەگەي قازىنانى تانىستىرۋدى ماقسات ەتەدى.
ايتا كەتەيىك, تۇركى مادەنيەتى جانە مۇراسى قورى كەڭەسىنە وسى جىلى قازاقستان توراعالىق ەتپەك.
