فوتو: abroadz.com
بايقاۋعا 56 ەلدىڭ فوتوگرافتارى قاتىستى, 419 مىڭ جۇمىستىڭ ىشىنەن ەڭ ۇزدىكتەرى ىرىكتەلدى, سونداي تاڭداۋلى جۇمىستىڭ ءبىرى قازاقستاننان قاتىسقان جالعىز فوتوگراف - انەل بازىلوۆاعا تيەسىلى.
جەڭىمپازداردىڭ جۇمىستارى لوندوندا 17 ساۋىردەن 5 مامىرعا دەيىن وتەتىن كورمەگە قويىلماق. انەلدىڭ جۇمىسى ءوز باستاماسىمەن ىسكە اسقان ء«ومىر ءسۇر!» فوتوجوباسى اياسىندا تۇسىرىلگەن. جوبادا اۆتور كامەرا وبەكتيۆى ارقىلى سيرەك كەزدەسەتىن گەنەتيكالىق اۋرۋلارعا شالدىققان جانە ونكولوگيالىق دياگنوز قويىلعان ايەلدەر تۋرالى سىر شەرتەدى.
سۋرەتتە ء«ومىر ءسۇر!» جوباسىنىڭ العاشقى كەيىپكەرى – دينارا يسا. ديناراعا سۇيەك تىندەرى زاقىمدالۋىمەن سيپاتتالاتىن گورحەم اۋرۋى دەگەن سيرەك دياگنوز قويىلعان, ونى باسقاشا «فانتومدىق سۇيەك» دەپ تە اتايدى. قازىلار القاسى مۇشەلەرىنىڭ دينارانىڭ بولاشاققا سەنىممەن, قاسقايىپ قاراپ تۇرعان فوتوسۋرەتتى تاڭداعانى سيمۆولدىق مانگە يە.
ء«ومىر ءسۇر!» جوباسى اۋىر دياگنوزى بار ايەلدەرگە سىرتقى الەمنەن تىعىلىپ, جابىلماۋعا جانە ءوز اۋرۋىمەن بەتپە-بەت جالعىز قالماۋعا كومەكتەسۋ, سونداي-اق باسقا جانداردى وسەكتەۋ مەن سوگۋدەن جاسقانباي ءوز دياگنوزى تۋرالى اشىق ايتۋعا ىنتالاندىرۋ ماقساتىندا قۇرىلدى», دەپ انەل بازىلوۆا ءوز پىكىرىن ءبىلدىردى.
