العاشقى كومەك كورسەتۋدى ۇيرەتتى

ەلوردادا قازاقستان رەسپۋبليكاسىنىڭ “قىزىل اي” قوعامىنىڭ استانالىق قالالىق بولىمشەسى “ەكسونموبيل” كومپانياسىنىڭ قولداۋىمەن جانە استانا قالاسىنىڭ ءبىلىم باسقارماسى, توتەنشە جاعدايلار دەپارتامەنتى مەن دەنساۋلىق ساقتاۋ باسقارماسىنىڭ كومەگىمەن قالا وقۋشىلارىن العاشقى كومەك كورسەتۋ داعدىلارىنا ۇيرەتۋگە ارنالعان “مەكتەپتەرگە ءبىرىنشى كومەك!”  جوباسىنىڭ باستاپقى كەزەڭىنىڭ ناتيجەلەرىن قورىتىندالادى. ءباسپاسوز مالىمدەمەسى بويىنشا, جوباعا 67 استانالىق مەكتەپ قاتىسىپ, جوبا اياسىندا العاشقى كومەك كورسەتۋ داعدىلارىنا 250-دەن استام مۇعالىمدەر مەن 6 700- گە جۋىق جوعارعى سىنىپ وقۋشىلارى پراكتيكالىق ترەنينگتەر تۇرىندە وقىتىلىپ, شاعىن انىقتاما كىتاپشالارىنا يە بولسا, 250 مۇعالىمگە سەرتيفيكات بەرىلگەن. جوبانى جۇزەگە اسىرۋ بارىسىندا وقىتۋ باعدارلاماسىنىڭ تيىمدىلىگى جونىندە مونيتورينگ جۇرگىزىلدى. ول جوعارعى سىنىپ وقۋشىلارى اراسىندا كومەك كورسەتۋ داعدىلارى 40%-عا وسكەنىن جانە ۇستازدار مەن وقۋشىلار اراسىندا ۇلكەن قىزىعۋشىلىق تۋدىرعانىن كورسەتتى. كەلەشەكتە ىنتىماقتاستىقتى ودان ءارى جالعاستىرۋ ماقساتىندا مەملەكەتتىك جانە جەكەمەنشىك مەكتەپتەر مەن كوللەدجدەردى قامتۋ, سونىمەن بىرگە قوسىمشا جاڭا مۇعالىمدەر شوعىرىن دايىنداي وتىرىپ, العاشقى كومەك كورسەتۋدى وقۋ ورىندارىنا ەنگىزۋ پروتسەسىن كەڭەيتۋ جوسپارلانۋدا. بۇعان قوسا, “قىزىل اي” مەن “ەكسونموبيل” جاڭا وقۋ جىلىندا وسى جوبانى اتىراۋدا باستاۋدى ۇيعارىپ وتىر. بالالاردى قاۋىپسىزدىك نەگىزدەرىنە وقىتۋدى قولداي وتىرىپ, ءبىز قوعامىمىزدىڭ ۇزاق مەرزىمدى جانە تۇراقتى دامۋىنا ءوز ۇلەسىمىزدى قوسۋدامىز, – دەدى “ەكسونموبيل” كومپانياسىنىڭ قوعاممەن بايلانىس جونىندەگى كەڭەسشىسى گۇلنار نۇعمان. ءاسيا ورىنبايقىزى, قىزعالداق زۇلپىحارقىزى.