فوتو: Leah Millis
«بۇدان بىلاي ايەلدەر سپورتى ايەلدەرگە عانا ارنالادى. ايەلدەر سپورتىنا قارسى قاقتىعىس وسىمەن ءتامام», دەدى امەريكا پرەزيدەنتى جارلىققا قول قويۋ ساتىندە. سونداي-اق ترامپ بۇل قۇجاتتىڭ ءتول مادەنيەتتى قالپىنا كەلتىرۋگە باعىتتالعان اۋقىمدى ارەكەتتىڭ ءبىر بولىگى ەكەنىن اتاپ ءوتتى.
ايتا كەتەيىك, 2024 جىلدىڭ جەلتوقسانىندا دونالد ترامپ جىنىسىن اۋىستىرعان ەركەكتەردى ايەلدەر سپورتىنان الاستاتۋعا ۋادە بەرگەن ەدى.
سونىمەن قاتار ول «ترانسگەندەرلىك اقىلسىزدىق» تۇجىرىمداماسىن جەلەۋ ەتەتىن مەكتەپتەرگە فەدەرالدى قارجىلاندىرۋدى قىسقارتۋعا كەلىسىمىن بەردى.
ال قاڭتاردا اق ءۇيدىڭ باسشىسى اقش-تا 19 جاسقا تولماعان ادامداردىڭ جىنىسىن وزگەرتۋ وپەراتسيالارىنا تىيىم سالاتىن جارلىققا قول قويدى. سونداي-اق, دونالد ترامپ ءوزىنىڭ جارلىعىمەن ترانسگەندەرلەرگە اقش ارمياسىندا قىزمەت ەتۋگە تىيىم سالدى.
