فوتو: lurantol.livejournal.com
باياندامادا سونداي-اق ينفلياتسيانىڭ 2025 جىلعا قاراي 7,5-8% -عا دەيىن جانە 2026 جىلى 6% -عا دەيىن بىرتىندەپ تومەندەۋى بولجانىپ وتىرعانى ايتىلدى. دەگەنمەن, ۆاليۋتانىڭ جالعاسىپ وتىرعان فيسكالدىق كەڭەيۋى مەن ۇلعايىپ كەلە جاتىرعان قۇبىلمالىلىعى ينفلياتسيالىق قىسىمدى نىسانالى دەڭگەيدەن جوعارى ۇستاپ تۇرا الادى.
«قازاقستاننىڭ فيسكالدىق ساياساتى 2025-2026 جىلدارى جوعارى بيۋدجەت تاپشىلىعىمەن ىنتالاندىرۋشى بولىپ قالىپ وتىر. مەملەكەتتىك بورىش باسقارىلاتىن بولىپ قالعانىمەن, ىشكى قارىز الۋعا جانە فيسكالدىق تاپشىلىقتى جابۋ ءۇشىن قر-نىڭ ۇلتتىق قورىنان قاراجاتتى الۋعا تاۋەلدىلىكتىڭ ارتۋى قوردىڭ ۇزاق مەرزىمدى تۇراقتىلىعىنا قاتىستى الاڭداۋشىلىق تۋعىزادى. بۇل باياندامادا ءبىز وسى پروبلەمالاردى شەشۋ ءۇشىن فيسكالدىق ءتارتىپتىڭ جانە تابىس كوزدەرىن ءارتاراپتاندىرۋدىڭ ماڭىزدىلىعىن اتاپ وتەمىز», دەدى دۇنيەجۇزىلىك بانكتىڭ قازاقستانداعى تۇراقتى وكىلى اندرەي ميحنەۆ.
بايانداما جاھاندىق سۇرانىس پەن مۇناي باعاسىنىڭ تومەندەۋىن قامتيتىن نەگىزگى تاۋەكەلدەردى, ياعني, ۇزاققا سوزىلعان فيسكالدىق كەڭەيۋ جانە توتەنشە اۋا رايى قۇبىلىستارىنىڭ ينفراقۇرىلىم مەن ەكونوميكالىق بەلسەندىلىككە تەرىس اسەرىن اتاپ كورسەتەدى.
زەرتتەۋگە سايكەس, قازاقستاننىڭ سالىقتىق كىرىستەرى باسقا ەلدەردىڭ ۇقساس كورسەتكىشتەرىنەن ايتارلىقتاي ارتتا قالىپ وتىر, بۇل نەگىزگى مەملەكەتتىك قىزمەتتەر مەن ۇزاق مەرزىمدى باسىمدىقتاردى قارجىلاندىرۋدى شەكتەيدى. باياندامانىڭ ارنايى ءبولىمى كىرىستەردى جۇمىلدىرۋ بويىنشا رەفورمالاردى تالقىلايدى. باياندامادا فيسكالدىق پروبلەمالاردى شەشۋ ءۇشىن سالىق رەفورماسىنىڭ كەشەندى باعدارلاماسى باياندالعان. ۇسىنىلىپ وتىرعان رەفورمالار تابىس سالىعىنىڭ پروگرەسسيۆتى جۇيەسىنە كوشۋدى, ءتيىمسىز سالىق جەڭىلدىكتەرىن كەزەڭ-كەزەڭىمەن توقتاتۋدى, ققس رەفورمالارىن, اكتسيزدىك سالىقتاردى ەكولوگيالىق ماقساتتارعا سايكەستەندىرۋدى جانە سالىقتىق اكىمشىلەندىرۋدى جاقسارتۋدى قامتيدى.
قازاقستانداعى ينفراقۇرىلىمنىڭ اعىمداعى جاي-جاپسارى ونىمدىلىكتى ارتتىرۋ جانە ۇزدىكسىز جانە ءتيىمدى مەملەكەتتىك قىزمەتتەردى قامتاماسىز ەتۋ ءۇشىن قاجەتتى سالاعا مەملەكەتتىك ينۆەستيتسيالاردى ۇلعايتۋدى تالاپ ەتەدى. سوندىقتان دامۋدىڭ ۇزاق مەرزىمدى باسىمدىقتارىن قاجەتتى قارجىلاندىرۋ ءۇشىن فيسكالدىق كىرىستەردى ۇلعايتۋ اسا ماڭىزدى.
قازاقستان ەكونوميكاسى تۋرالى «بولاشاقتى قارجىلاندىرۋ: ۇزاق مەرزىمدى ينۆەستيتسيالار ءۇشىن كىرىستەردى ۇلعايتۋ» اتتى باياندامادا ايتىلعان.
