فوتو:fcc.kz
پارتيا دەپۋتاتى ايان زەينۋلليننىڭ دەرەگىنشە, بۇگىندە «ازىق-ت ۇلىك كورپوراتسياسى» ۇق» اق ىشكى استىق نارىعىندا تەجەۋشى ءرولىن اتقارىپ وتىر. ماسەلەن, كورپوراتسيا نارىقتىڭ توقىراۋ كەزەڭىندە اۋىل شارۋاشىلىعى ونىمدەرىن جوعارى باعامەن ساتىپ الىپ, باعا كوتەرىلگەندە قايتا وتكىزۋدى, استىقتىڭ رەزەرۆتىك قورىن, سونداي-اق جەم-ءشوپ قورىن ساقتاۋدى قامتاماسىز ەتەدى. وسى ماقساتتا بيىل كورپوراتسيا 3,4 ميلليارد تەڭگەگە 50 مىڭ توننا اۋىل شارۋاشىلىعى ونىمدەرىن ساتىپ العان.
2023 جىلى ەگىن جيناۋ ناۋقانى كۇردەلى كەزەڭدى باستان كەشكەندە كورپوراتسيا اۋىل شارۋاشىلىعى تاۋارلارىن وندىرۋشىلەردى قولداۋ ماقساتىندا كوممەرتسيالىق نەگىزدە تارتىلعان قارجى رەسۋرستارىن پايدالانا وتىرىپ, جالپى سوماسى 87,5 ملرد تەڭگە بەرەشەك مىندەتتەمەلەرىن ۇزارتىپ, جارنانى 3 پايىز جەڭىلدىك دەڭگەيىندە بەلگىلەگەن.
بۇل قادام وبليگاتسيالار بويىنشا كۋپوندى تولەۋگە جۇمسالاتىن شىعىندى ارتتىرعان.
«وسى جاعدايلاردى ەسكەرە وتىرىپ, 2025 جىلى «ازىق-ت ۇلىك كورپوراتسياسىنا» كۋپوندىق سىياقىنى سۋبسيديالاۋ ءۇشىن ۇكىمەت رەزەرۆىنەن 10,3 ملرد تەڭگەنى جەدەل ءبولۋدى ۇسىنامىز. بيىل بيۋدجەتكە بەكىتىلگەن بۇرىن الىنعان قارىزداردى قايتا قارجىلاندىرۋعا باعىتتالعان وبليگاتسيالار بويىنشا كۋپوندىق سىياقى ماقساتىن وزگەرتۋدى سۇرايمىز», دەدى ايان زەينۋللين.
