فوتو: elordainfo.kz
وسى سالادا تەر توگەتىن ازاماتتارعا جانە ولاردىڭ وتباسى مۇشەلەرىنە قونىس اۋدارۋ بويىنشا جاردەماقى, م ۇلىكتى تاسىمالداۋ, سونداي-اق بارلىق وتباسى مۇشەسىن قوسا العاندا, تەمىر جول, سۋ جانە اۆتوموبيل كولىگىمەن جول ءجۇرۋ شىعىندارى تولەنەدى.
ولارعا سوعىس نەمەسە توتەنشە جاعداي كەزەڭىندە, تەرروريزمگە قارسى وپەراتسيا كەزىندە, قارۋلى قاقتىعىس جاعدايىندا جانە توتەنشە جاعداي جاريالانعان ايماقتاردا جۇمىس ىستەگەنى ءۇشىن ۇستەمەاقى بەلگىلەنەدى. مۇنداي جاعدايدا قىزمەتكەردىڭ ەڭبەك ءوتىلىنىڭ ءبىر كۇنى ءۇش كۇنگە تەڭەستىرىلەدى.
«ازاماتتىق قورعاۋ ورگاندارى مەن اسكەري قىزمەتكەرلەردىڭ تۇرعىن ءۇيدى جالعا العان شىعىندارى وتەلەدى. ءماجىلىس دەپۋتاتتارى ازاماتتىق قورعاۋ ماسەلەلەرى بويىنشا زاڭنامالىق تۇزەتۋلەرگە وسىنداي نورما ەنگىزۋدى ۇسىندى. دەمەك ەندى تۇرعىن ءۇي تولەمدەرىن توتەنشە جاعدايلار جۇيەسى قىزمەتكەرلەرى دە الاتىن بولادى», دەلىنگەن ءماجىلىس حابارلاماسىندا.
ەگەر ءورت ءسوندىرۋشى نەمەسە قۇتقارۋشى جاۋىنگەرلىك جاعدايدا قىزمەتتىك مىندەتتەرىن ورىنداۋ كەزىندە زارداپ شەكسە ساناتوريالىق-كۋرورتتىق نەگىزدە وڭالتۋدان وتۋگە مۇمكىندىك تە بەرىلەدى.
