زەرتتەۋ ناتيجەلەرى قارالعان كەڭەس

قازاقستان رەسپۋبليكاسىنىڭ مەم­لەكەتتىك حاتشىسى گۇلشارا ءاب­دىقالىقوۆا كەڭەس وتكىزدى, دەپ حابارلادى پرەزيدەنتتىڭ ءباسپاسوز قىزمەتى. كەڭەستە ەتنوسارالىق قارىم-قا­تىناستار ماسەلەلەرى جونىندە مادەنيەت جانە سپورت مينيسترلىگى مەن قازاقستان حالقى اسسامبلەياسىنىڭ عىلىمي-ساراپشىلىق كەڭەسى بىرلەسىپ وتكىزگەن الەۋمەتتىك زەرتتەۋ ناتيجەلەرى قارالدى. وتىرىسقا پرەزيدەنت اكىمشىلىگىنىڭ باسشىلىعى, مۇددەلى مينيسترلىكتەر مەن ۆەدومستۆولار وكىلدەرى, قحا-نىڭ عىلىمي-ساراپشىلىق كەڭەسى مۇشەلەرى قاتىستى. زەرتتەۋلەر قورىتىندىسىن قحا عىلىمي-ساراپشىلىق كەڭە­سى ءتورا­عاسىنىڭ ورىنباسارى, قازاق­ستان پرە­زي­دەنتىنىڭ جانىنداعى مەملەكەتتىك باسقارۋ اكادەمياسىنىڭ ورتالىق ازياداعى ەتنوسارالىق جانە كونفەسسياارالىق قاتىناستاردى زەرتتەۋ ورتالىعىنىڭ جەتەكشىسى ايگۇل سادۋاقاسوۆا تانىستىردى. گ.ابدىقالىقوۆا الەۋمەتتىك زەرتتەۋلەر ءجۇر­گىزۋ وبەكتيۆتى قاجەتتىلىك ەكەنىن, ونىڭ قورى­تىندىلارى مەملەكەتتىك ەتنوس­اياساتتىڭ نەگىزگى باعىتتارىن, ىسكە اسى­رىلۋ جولدارى مەن ادىستەرىن ايقىن­داۋعا سەپتىگىن تيگىزەتىنىن اتاپ كورسەتتى. مەملەكەتتىك حاتشى تانىستىرىلىم قو­رىتىندىسى بويىنشا مەملەكەتتىك ور­گاندارعا بىرقاتار ناقتى تاپسىرمالار بەردى.