فوتو: اشىق دەرەككوز
تۇزەتۋلەردىڭ جەكە بلوگى ازاماتتىق قورعانىس ورگاندارى قىزمەتكەرلەرىنىڭ الەۋمەتتىك جاعدايىن جاقسارتۋعا ارنالعان.
«دەپۋتاتتار ازاماتتىق قورعاۋ ورگاندارىنىڭ قىزمەتكەرلەرىنە تۇرعىن ءۇي تولەمدەرىن بەرۋگە باعىتتالعان تۇزەتۋلەر ەنگىزۋگە باستاماشى بولدى. سونداي-اق قىزمەتكەرلەرگە وزدەرى تۇرىپ جاتقان تۇرعىن ءۇيدى جەكەشەلەندىرۋ قۇقىعىن بەرۋگە باعىتتالعان ەرەجەلەر بار. بۇل تۇزەتۋلەر قىزمەتكەرلەرىمىزدىڭ الەۋمەتتىك قامسىزداندىرۋىن ودان ءارى كۇشەيتەدى دەپ ويلايمىز. 90 شارشى مەترگە دەيىنگى تۇرعىن ءۇي ءۇشىن جالداۋ اقىسىن تولەۋ ۇسىنىلىپ, قىزمەتكەرلەردىڭ وتباسى مۇشەلەرى دە تولەم الادى. توتەنشە جاعدايلار مينيسترلىگى ءورت قاۋىپسىزدىگىن باقىلاۋدى قالپىنا كەلتىرىپ جاتىر. مىسالى, ادامدار كوپ شوعىرلاناتىن وبەكتىلەر مەن بيىكتىگى 28 مەتردەن اساتىن عيماراتتاردى قابىلداۋ الدىندا ءورت قاۋىپسىزدىگى تالاپتارىن ساقتاۋ تۋرالى قورىتىندى بەرۋ. «بىرەگەي» دەپ اتالاتىن نىسانداردى سالۋ كەزىندە باسقارمامەن تەحنيكالىق شارتتاردى كەلىسۋ جوسپارلانىپ وتىر», دەدى قر تجم كادر جانە تاربيە جۇمىسى دەپارتامەنتىنىڭ باسشى داۋرەن سابىراەۆ.
قر توتەنشە جاعدايلار مينيسترلىگى ورتكە قارسى قىزمەت كوميتەتى توراعاسىنىڭ ورىنباسارى قانات دوسپاەۆتىڭ ايتۋىنشا, استانا قالاسىنداعى «حان-شاتىر» ساۋدا ورتالىعى بىرەگەي نىسان, ول ءۇشىن قۇرىلىس نورمالارى جوق, سوندىقتان مۇنداي نىسانداردى سالۋ ءۇشىن ارنايى تەحنيكالىق شارتتار ازىرلەنگەن.
«ال تەحنيكالىق شارتتاردى ازىرلەۋ كەزىندە ءبىز ەشقانداي ماقۇلداۋ جۇرگىزگەن جوقپىز. ەندى ءبىز ءورت قاۋىپسىزدىگىنە قاتىستى وسى تەحنيكالىق شارتتاردا تالاپتارىمىزدى قامتاماسىز ەتەتىن بولامىز», دەدى ول.
العاش رەت اۋدانى 2 مىڭ شارشى مەتردەن اساتىن بولشەك ساۋدا وبەكتىلەرى مەن ادامدار كوپ كەلەتىن وبەكتىلەردى ساقتاندىرۋ ستاندارتى ەنگىزىلەدى. بۇل جاعدايدا عيماراتتاردىڭ يەلەرى ورتتەن زارداپ شەككەندەرگە كەلتىرىلگەن شىعىندى وتەۋى ءتيىس.
«بىلتىر الماتىدا جاتاقحانادا ءورت شىعىپ, قايعىلى وقيعا بولدى, ادامدار قازا تاپتى. ال بۇل شىعىندى بىزدەن باسقا ەشكىم وتەگەن جوق. ەندى, ەگەر الاڭى 2 مىڭ شارشى مەتردەن اساتىن بولسا, وندا ساۋدا ورتالىعى نەمەسە ادام سانى كوپ باسقا ءۇي-جايلار ءۇشىنشى تۇلعالاردىڭ ءومىرىن ساقتاندىرۋعا مىندەتتى. قايتىس بولعان جاعدايدا 5 مىڭنان استام اەك, ءبىرىنشى توپتاعى مۇگەدەكتىك العان جاعدايدا – 3 مىڭ اەك, ەكىنشى – 1,5 مىڭ اەك جانە بالا مۇگەدەك دەپ تانىلعان جاعدايدا – 3 مىڭ اەك شاماسىندا تولەنەدى. ءتىزىلىم قۇرىلىپ, اۋماقتىق ورگاندار ولاردى ساقتاندىرۋ ءۇشىن تەكسەرەدى», دەدى قر پارلامەنتى ءماجىلىسىنىڭ دەپۋتاتى ايان زەينۋللين.
ءورت اۆتوماتيكاسى جۇيەسىنە قىزمەت كورسەتەتىن ۇيىمدارعا رۇقسات بەرۋ مەملەكەتتىك ورگاننىڭ باقىلاۋىنا ءوتۋى ءتيىس. ازاماتتىق قورعاۋ قىزمەتى قازىرگى ۋاقىتتا مۇنى كوبىنە قۇزىرەتسىز ۇيىمدار جاسايتىنىن اتاپ ءوتتى.
قازاقستاننىڭ ازاماتتىق قورعاۋ وداعىنىڭ توراعاسى رۇستەم ىسقاقوۆ كاسىپورىن قىزمەتكەرلەرى ءۇشىن ءورت قاۋىپسىزدىگى شارالارىن وقىتاتىن وقۋ ورتالىقتارىنىڭ ءىس-ارەكەتتەرىن رەتتەۋ جونىندەگى نورما ەنگىزىلەتىنىن اتاپ ءوتتى. وزگەرىستەر توتەنشە جاعدايلارعا جەدەل ارەكەت ەتۋگە دايىن يكەمدى قۇرىلىمدى جاسايدى دەپ كۇتىلەدى.
سونىمەن قاتار, جاڭاشىلدىقتىڭ ءبىرى جەرگىلىكتى اتقارۋشى ورگانداردىڭ سەيسميكالىق ايماقتارعا ءبولۋ جانە سەيسميكالىق قاۋىپتى باعالاۋ جۇمىستارىن جۇرگىزۋ قۇزىرەتىن كەڭەيتۋ بولماق. سونىمەن قاتار سەيسميكالىق قاۋىپتى ايماقتا ەندى توتەنشە جاعدايلار دەپارتامەنتتەرىنەن سيگنال تۇسكەننەن كەيىن ءبىر مينۋت ىشىندە ازاماتتاردى حاباردار ەتۋ كوزدەلگەن.
زاڭ جوباسى سونداي-اق ەرىكتى كومەكشىلەردىڭ مارتەبەسىن دە رەسمي تۇردە ايقىندايتىن بولادى. ماسەلەن, قۇتقارۋشىلار مەن ءورت سوندىرۋشىلەرگە كومەكتەسەتىن ەرىكتىلەر جالاقىلارىن الىپ, وقۋدان وتەدى.
