جاڭا تۋىندىنىڭ تۇساۋكەسەرى

“وبىكنوۆەننىي فەنومەن” اتتى دەرەكتى فيلم­نىڭ تۇساۋكەسەرى بولىپ, ەلوردالىقتارعا ونىڭ العاش كورسەتىلىمى ۇسىنىلدى. “اسىل-مۇرا” كينوكومپانيا­سى شىعارعان بۇل تۋىندى كوپەتنوستى مەملەكەتىمىز­دىڭ تىنىشتىعى مەن ۇلتتار اراسىنداعى تاتۋلىقتى بايانداپ قانا قويماي, ەلىمىزدىڭ كوك تۋىن بيىكتە جەلبىرەتكەن وليمپيادا جەڭىمپازدارى مەن جۇلدە­گەرلەرى, سپورتشىلارىمىز تۋرالى اڭگىمەلەيدى. ولاردىڭ ۇلكەن جەڭىستەرگە جەتكەن ساتتەرى, سپورت جولىنداعى جەتىستىكتەرى جايىندا سىر شەرتەدى. گرەك-ريم كۇرەسىنەن كسرو-نىڭ جەتى دۇركىن چەمپيونى, وليمپيا ويىندارىندا بىرنەشە رەت جۇلدەگەر بولعان داۋلەت تۇرلىحانوۆ جانە بوكس­تان تانىمال باپكەر الەكساندر اپاچين­سكي سياقتى قا­زاق سپورتىندا ەڭبەكتەرى سىڭگەن تۇلعا­لاردىڭ ارقا­سىندا ءفيلمنىڭ نەگىزگى يدەياسى جولعا سالىنعان ەكەن. جانە دە ۆالەري ريازانتسەۆ, ەرماحان ىبىرايىموۆ, يۋري مەل­نيچەنكو, باقتيار ارتاەۆ, باقىت سارسەكباەۆ, الەكساندر پارىگين, يليا يلين, ۆا­سي­لي جيروۆ, ءاليا ءجۇسىپوۆا, ولگا شيشيگينا, تاعى دا باسقا سپورت­شىلارىمىز ءفيلمنىڭ نە­گىزگى وزەگىن اشقان باستى كەيىپكەرلەرى كورىنەدى. زامانعا ساي تەح­نو­لوگيالارمەن تۇسىرىلگەن فيلم كوپتەگەن تەلە­كوم­پانيالاردىڭ بەينە­قورلارىمەن تولىقتى­رىلعان. ءفيلمنىڭ تۇساۋكەسەرىنە باستى كەيىپكەرلەر دە ارنايى كەلىپ قاتىسقان بولاتىن. 50 مينۋتقا سوزىلعان دەرەكتى فيلم شىنىمەن دە ءاربىر جاننىڭ جۇرەگىندە ماقتانىش سەزىمىن تۋدىرىپ, سپورتشىلاردىڭ قۋانىشتى ساتتەرىن كورىپ تولقىعاننان ءتىپتى كوزدەرىنە جاس كەلگەن كورەرمەندەر دە بولدى. فيلمنەن كەيىن باستى كەيىپكەرلەر مەن “اسىل-مۇرا” كينوكومپانياسىنىڭ مۇشەلەرى ور­تا­عا شا­قى­رىلدى. اتالعان كومپانيا ديرەك­تورى جانگەلدى مول­داح­مەتوۆ فيلم ءتۇسىرۋ كەزىندە ماتەريالداردىڭ كوپ بولعانىن, مەم­لەكەتتىك ارحيۆتەگى بەينەقورلاردى جانە شۆەي­تساريادان ارنايى الىنعان وليمپيا ويىندا­رىنىڭ بەينە توپتاماسىن قولدانعان­دارىن ايتتى. ال سپورت­شىلار فيلم تۋرالى جىلى لەبىزدەرىن ءبىلدىردى. بي-بولات سەيتاق, ەۋرازيا ۇلتتىق ۋنيۆەرسيتەتىنىڭ ستۋدەنتى.