جەتىسۋ وبلىستىق پد مالىمەتىنشە, سارقان قالاسىندا پوليتسيا قىزمەتكەرلەرى پاترۋلدەۋ كەزىندە جول قوزعالىسى ەرەجەلەرىن ورەسكەل بۇزعان HONDA ماركالى اۆتوكولىگىن انىقتاعان. تەكسەرۋ بارىسىندا بۇرىن جاۋاپكەرشىلىككە تارتىلعان 46 جاستاعى ەر ادام باسقارعانى بەلگىلى بولدى.
«پوليتسيا قىزمەتكەرلەرى جۇرگىزۋشىدەن قاتتى الكوگول ءيىسىن بايقاعان. قۇجاتتارىن تەكسەرۋ بارىسىندا ەر ادامنىڭ 2022 جىلدىڭ 1 مامىرىندا سارقان اۋداندىق سوتىنىڭ شەشىمىمەن ماس كۇيدە كولىك باسقارعانى ءۇشىن سەگىز جىل مەرزىمگە جۇرگىزۋشى كۋالىگىنەن ايىرىلعانى انىقتالدى.
مەديتسينالىق ساراپتاما ناتيجەلەرى بويىنشا جۇرگىزۋشىنىڭ ورتا دارەجەدەگى الكوگولدىك ماساڭ كۇيدە بولعانى راستالدى.
زاڭدى قايتا بۇزعانى ءۇشىن ەر ادام قاماۋعا الىندى. سونىمەن قاتار, ول ءومىر بويىنا كولىك قۇرالىن باسقارۋ قۇقىعىنان ايىرىلۋى مۇمكىن», دەلىنگەن پد حابارلاماسىندا.
