نىساننىڭ قۇرىلىسى اقتاۋ قالاسىنىڭ 34ا شاعىن اۋدانىندا ورنالاسقان 2,6 گەكتار جەر ۋچاسكەسىندە جوسپارلانعان. جەدەل جانە شۇعىل مەديتسينالىق جاردەم ستانساسىنىڭ قۇرامىنا وقۋ-سيمۋلياتسيالىق ورتالىق, سانيتارلىق كولىكتەرگە ارنالعان جوندەۋ جانە جۋ بازاسى ەنەدى.
جوبانىڭ جالپى قۇنى 4,8 ملرد تەڭگە دەپ باعالانعان. ونىڭ 100 ملن تەڭگەسى جەرگىلىكتى بيۋدجەتتەن بولىنگەن. قازىرگى تاڭدا نىساننىڭ دايىندىق دەڭگەيى 10%-دى قۇرايدى: جەر قازۋ جۇمىستارى اياقتالىپ, ىشكى ينجەنەرلىك جەلىلەردىڭ قۇرىلىسى جۇرگىزىلدى. ارناۋلى مەملەكەتتىك قوردان بولىنگەن قاراجات جوبانى بەلگىلەنگەن كەستەگە سايكەس تولىق اياقتاۋعا مۇمكىندىك بەرەدى.
بۇگىندە اقتاۋدا 200 مىڭعا جۋىق ادام تۇرادى. ايماق بالا تۋ كورسەتكىشى بويىنشا كوش باستاپ تۇر. سوڭعى 7 جىل ىشىندە قالادا 10 جاڭا شاعىن اۋدان سالىندى. جاڭا جەدەل جاردەم ستانساسىنىڭ قۇرىلىسى حالىقتى قولجەتىمدى ءارى ساپالى مەديتسينالىق كومەكپەن قامتاماسىز ەتۋگە مۇمكىندىك بەرەدى.
قازىرگى تاڭدا ۇكىمەت ارناۋلى مەملەكەتتىك قوردان الەۋمەتتىك ماڭىزى بار نىسانداردىڭ قۇرىلىسىنا شامامەن 55,2 ملرد تەڭگە ءبولدى. ولاردىڭ قاتارىندا 4 مەكتەپ, ونىڭ بىرەۋى 1 مۋزىكالىق مەكتەپ, 2 سپورت كەشەنى, كوپسالالى اۋرۋحانا كەشەنى, جاتاقحانا جانە 2 بالاباقشا بار. سونداي-اق «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭعا سايكەس سۋبەكتىلەردىڭ قاراجاتى ەسەبىنەن ارقالىق, استانا جانە الماتى قالالارىندا بىرقاتار الەۋمەتتىك ينفراقۇرىلىم نىساندارى سالىندى.
